06 April 2016
01:35 - АҚШдан қайтишда Кубага ҳам кириб келган Нурсултон Назарбой кузда Японияга борадиган бўлибди, Ислом Каримни инидан ким чиқаради?
Вашинтонда 31-март -1 апрель кунлари ўтказилган 4-чи Ядровий Хавфсизлик Саммитида иштирок этган Қозоғистон Президенти Нусултон Назарбой, у ердан Гаванага ўтиб, Куба Давлат Кенгашининг раиси ва Бош вазир Раул Кастро билан ҳам учрашибди (расмда). Куба ва Қозоғистон ўртасида давлат раҳбарлари муҳокама қилишига арзийдиган алоқалар йўқлиги ўз-ўзидан маълум. Шундай бўлса ҳам, Нурсултон Назарбой имкон бор ерда Қозоғистон ва қозоқ халқи борлигини билдириш ва уларни дунёга танитиш билан шуғулланаётганининг ўзиёқ мақтовга арзийдиган нарса.

Казинформ агентлиги хабар қилшича, Нурсултон Назарбой Вашингтонда Япония Бош вазири Синдзо Абэ билан ҳам учрашибди ва кузда Японияга бориши ҳақида келишибди. Японияга бориш қанчалик муҳим эканлигини ҳар ким тушунади. Кузгача Нурсултон Назарбой яна бир қатор давлат раҳбарлари билан учрашишга улгурса керак.

Хўш, Ислом Каримни Оқ Сарой номли инидан ким олиб чиқади, қандай қилиб уни инидан чиқариш мумкин? Бу кетишда Ўзбекистон давлати ва ўзбек халқи борлигини яқинда кўпчилик унутади-ку! Минг афсуски, ўзбек халқини бундай нарсалар қизиқтирмайди. Миллий ғурури ҳали борлари эса, Юсуф Жуманинг кечагина сайтимизда эълон қилинган шеъридаги сўзлар билан ҳайқиришни истасалар керак:

Тилингда йўқ эрку ҳақ,
Тилингда иш, сарқит, нос.
Ўзбек, ё ёвузни бос,
Ўзбек, ё ўзингни ос!

Супурги ушлагунча
Ушламайсанми қурол.
Ёву сотқин остидан
Юртингни бошингга ол!
« Олдинги хабар Хабарлар рўйхати Кейинги хабар »