05 April 2016
19:47 - Ўзбекистоннинг ҳарбий салоҳияти ошганмиш: бу қанчалик фахрли?

Globalfirepower.com деб номланувчи сайтда жойлаштирилган тадқиқот натижаларига кўра, Ўзбекистон дунёнинг энг кучли армиялари рейтингида 54-ўриндан 48-ўринга кўтарилибди. 126 мамлакатнинг ҳарбий салоҳияти қиёсланган рўйхатда Ўзбекистон МДҲ давлатлари орасида Россия ва Украинадан кеийнги ўринни эгаллаб турибди. Яъни, Марказий Осиё мамлакатлари орасида етакчилик қилмоқда.

Сайт хулосасига мувофиқ, Ўзбекистон қуролли кучлари ихтиёрида 420 танк, 166 та самолёт, 715 та пиёда жанговар машина, 143 дона ўзиюрар ускуна, 880 та артиллерия ва 109 та реактив артиллерия тизимлари мавжуд. Ўзбекистоннинг йиллик ҳарбий бюджети 70 миллионни ташкил этади.

Аммо бу ўз давлатинг билан фахрланишга етарлими, дейди мухбиримиз. Агар мамлакатинг бошқа барча рўйхатларнинг қуйи поғоналарини эгаллаган, миллатдошларинг ўзга юртларда туққан боласини пуллаш билан овора бўлса?!