The Hill нашрига асосаланиб тарқатилаётган хабарларга кўра, Morning Consult ташкилоти сўровномалар ўтказиб, америкаликларнинг ярмидан кўпи АҚШ президентлигига Республикачилар Партиясининг номзоди бўлиш учун курашаётган Доналд Трампнинг мусулмонларга нисбатан салбий муносабатда бўлган баёнотларини қўллаб-қувватлаётганини аниқлабди.

Яна ҳам аниқроқ қилиб гапирсак, америкаликларнинг ярмидан кўпроғи Доналд Трампнинг мусулмонларни АҚШга киритмаслик ҳақидаги таклифи тарафори экан.

Бундан ташқари қуйидагилар ҳам аниқланибди. Америкаликларнинг 49 фоизи мусулмонлар яшайдиган жойларда полиция патрулларини яратиш тарафдори. 45 фоиз америкаликлар эса, терроризмга алоқаси борликда шубҳаланиб сўроқ қилинаётганларга нисбатан шавқатсизроқ бўлиш тарафдори. Хабарларда айтилмаса ҳам тахмин қилиш мумкинки, бундайларга нисбатан қийноқ усуллари ҳам қўллаш ҳақида гап кетмоқда.

Бу ерда ўз хавфсизлигини ўйлаётган америкаликларни эмас, “ислом терроризми” ва “Ислом” тушунчалари синонимга айланиб бораётганига кўз юмаётган Ислом уламоларини айблаш керак. Улар бу масалалар устида ўйламас эканлар, Ислом динининг душмани ҳисобланишлари лозим.