23 March 2016
22:25 - Қозоғистон параламентининг қуйи палатасига мутлақо кўпчилик Нурсултон Назарбойнинг партиясидан сайланди, ўзбекларнинг аҳволига “вой” деймиз

Кеча Марказий Сайлов Комиссияси 20 март куни парламентнинг қуйи палатаси Мажлисга навбатдан ташқари ўтказилган сайловларнинг узул-кесил натижаларини эълон қилди.

107 кишилик Мажлисда Нурсултон Назарбойнинг Нур-Ватан Партияси 84 ўрин олибди. Мажлисга яна 2 партиянинг вакиллари кирган. Оқ-Йўл Партияси ва Коммунистик Халқ Партияси 7 тадан ўринга эга бўлибдилар. Сайловларда қатнашган яна 3 та бошқа партия 7 фоизлик тўсиқдан ўтолмагани сабабли Мажлисда ўз депутаталарига эга бўлмайди.

Қозоғистон Конституциясига кўра, Мажлиснинг 9 аъзоси Қозоғистон Халқлари Ассамблеяси номли қўғирчоқ ташкилотнинг қурултойида сайланаши керак, сайланди ҳам. Тахмин қилиш мумкинки, шу қўғрчоқ ташкилот номидан биронта ўзбек қўғирчоқ депутат қилиб сайланган бўлса керак.

Руслар Марказий Осиёни босиб олмасдан олдин, Қозоғистоннинг жанубий-ғарбидаги ҳудудларда (Авлиёотадан тортиб Чимкентгача) аҳолининг 95 фоизи ўзбеклар эди. Ҳозир бу ерда ўзбеклар йўқ қилинган ҳисоб. Бир маҳаллар бу ердаги ўзбекларнинг дардини ифода этувчи турли хабарлар “Ҳаракат” сайтининг электрон адресига келиб турарди.

Ҳозир электрон почтамиз “Ҳаракат” сайтининг техник ишларини йўлга қўйган Пўлат Охуннинг қўлида. Шу сабабли бўлса керак, нафақат Қозоғистон, балки, Тожикистон ва Қирғизистон ўзбекларидан ўзбекларнинг у ердаги аҳволини кўрсатувчи хабарлар оқими тўхтаб қолди. Бундан ҳайрон бўлиш керак эмас, бир маҳаллар Ўзбек миллати бўлган ўзбекларнинг аҳволи шунақа ўзи. Бир вақтлар Бобир ва Фурқат каби Ўзбекларни ўз юртидан ҳайдаб чиқарган ўзбеклардан яна нима кутиш мумкин?