15 March 2016
21:06 - Газимизни яна ўрислар сотиб олади, Ислом Карим Лубянкага шундай ваъда берган бўлса керак
Ўрисларнинг “Газпром" ширкати Ўзбекистондан 2016 йил давомида 4 миллиард метр куб газни сотиб олиш бўйича шартнома имзолагани ҳақидаги хабар бугун матбуотга чиқди. Podrobno.uz номли сайтнинг ёзишича, 4 миллиард метр куб газни Россияга сотиш бўйича шартнома 2015 йилнинг декабрида имзоланган.

Буни қаранки, "Газпром" раҳбари Алексей Миллер ўз ширкатининг 2016 йилдан Ўзбекистондан сотиб олинадиган табиий газ ҳажмини оширишни режалаётгани ҳақида шу йилнинг январь-феврал ойларида ҳам мавҳумроқ гапираётганди. Аммо 3 ой аввал иш пишган, шартнома имзоланган экан.

Аммо Россиянинг мазкур ширкати билан Туркманистоннинг "Туркмангаз" ширкати ўртасидаги ҳамкорлик туркманларнинг ташаббуси билан бекор қилинган, чунки ўрис ширкати пулини ўз вақтида бермаган эди. Ўзбекларга эса фарқи йўқ, Ислом Карим розилик билдирса бўлди, ҳатто умумхалқ мулки бўлган газнинг пули ҳам керакмас.

Ўзбекларнинг эса, бунақа нарсалар билан ишлари ҳам йўқ. “Олтинимиз қаерга кетмоқда?”, “Газимиз нега русларга сотилмоқда?” “Қанчадан сотилмоқда?” каби саволлар саволлар ҳеч кимни қизиқтирмайди.