11 March 2016
10:19 - Қизиқ: Қозоғистон Антарктидада қутб станцияси очмоқчи
Қозоғистоннинг Казинформ агентлиги 5 йил аввал қозоқларнинг жанубий қутбдаги Антарктидага биринчи сафар қилган экспедицияси аъзоси Орденбек Мазбаевга асосланиб хабар қилишича, қозоқ олимлари Антарктидада қозоқ станцияси яратиш ғоясини кўтармоқдалар. Бунинг учун Антарктида бўйича Халқаро Шартномани имзолаши ва ратификаия қилиши керак. Қозоқ олимлари ўз ғоялари ҳукумат тарафидан қўллаб-қувватланишига ишонмоқдалар.

Тахмин қилиш мумкинки, қозоқларнинг 5 йил аввалги илмий экспедицияси ҳукуматнинг розилиги, балки, унинг топшириғи билан амалга оширилган, ҳозир ҳам айнан ҳукуматнинг ўзи Антарктидада станция очишни истайди ва шундай бўлади ҳам.

Хабарда айтилишича, Антарктида бўйича Халқаро Шартнома 12 мамлакат тарафидан 1959 йил 1 декбрда имзоланган, у 1961 йил 23 июнда кучга кирган. Ҳозир шартома иштирокчиларининг сони 46 та. Шартнома 2041 йилда кучини йўқотади ва Антарктидани бўлиб олиш жараёни бошланиши мумкин. Кўринишидан, қозоқлар ўша жараёнда иштирок этмоқчилар.
« Олдинги хабар Хабарлар рўйхати Кейинги хабар »