10 March 2016
17:04 - Ислом Карим Тошкент шаҳри ва вилоятини давлат ичидаги давлатга, бошқа вилоятларга душман бўлган минтақага айлантирмоқда
Ўзбекистон Республикаси Адлия вазирлиги қошидаги миллий қонунчилик базасига кўра, Тошкент шаҳри ва вилоятига бошқа минтақалардан келган фуқаролар учун вақтинчалик бир марталик иш билан шуғулланишга рухсат бериш ҳуқуқи берилади ва бусиз уларнинг бирор иш билан шуғулланиши мумкин эмас. Шунингдек, бундай ҳуқуқни бериш учун уларнинг вақтинчалик пропискадан ўтиши, пропискадан ўтиш учун эса Тошкент ёки Тошкент вилоятида уй-жойга эга одамнинг нотариал розилиги талаб этилади. Ва, бундай гувоҳноманинг муддати олти ойдан ортиқ бўлиши мумкин эмас.

Хуллас, ҳукумат қарорига кўра, Тошкент ёки Тошкент вилоятида бошқа вилоятликларнинг проопискасиз яшаши ва ишлаши мумкин эмас. Прописка қилиш эса қонунга мувофиқ, Тошкентда проипскаси доимий бўлган шахсга уйланиш, эрга тегиш орқали амалга оширилади.

Эслатиб ўтиш керакки, дунёнинг жуда кўп мамлакатларида мегополис деб ҳам аталадиган катта шаҳарлар бор. Туркияда бундай шаҳар Истанбул, АҚШда Нью-Йорк, Хитойда Гонгконг, Россияда Москва ва бошқалар. Бу шаҳарлар фақатгина катталиги билан эмас, ўз мамлакатларининг ҳали камбағал бўлган минтақаларидан келаётган ишсизлар оқимига иш беришга қодирлиги билан танилгандир.

Тошкент ҳам шундай шаҳар бўлиши керак. Аммо, Ислом Карим режими Тошкентни Ўзбекистоннинг бошқа минтақалардан феълан айириб қўйиш учун қилаётган ҳаракатлари миллат ва давлага нисбатан навбатдаги душманликдир.

Ислом Карим ўтган асрнинг 90-чи йилларида ўзбекларга челнокчилик қилишга йўл бермасдан, кейин Россияга бориб ишлашга мажбур бўлган миллионлаб ўзбекларга ўз вақтида ёрдам бермасдан миллатга нисбатан душманлик қилган. Ҳозир навбатдаги душманлик билан шуғулланмоқда. Бу тожикдан иложи борича тезроқ қутилиш керак. Ўзбеклар шу ҳақда ўйлаши шарт.