09 March 2016
07:22 - АҚШнинг Миссисипи ва Мичиган штатларидаги бошланғич босқич сайловларида республикачилардан Доналд Трамп, демократлардан Берни Сандерс ғалаба қозонди
Миссисипи ва Мичиган штатларидаги бошланғич боосқич сайловлари 8 март сешанба куни ўтказилди. Ҳозиргина у ерда натижалар эълон қилинар экан, Тошкентда чоршанба кунининг эрталаби бўлганди.

Мана натижалар. Иккала штатда ҳам республикачилардан Доналд Трамп 38 фоиз атрофида овоз олиб ғалаба қозонди. Унинг асосий рақибидек кўринаётган Тед Круз иккала штатда ҳам 25 фоизнинг артофида овоз ололди ва учинчи ўринда қолди. Иккинчи ўриннни шу пайтгача доим орқада келаётган Огайо штатининг губернатори Жон Касич олди – 25-30 фоиз атрофида. Иккала штатда ҳам тўртинчи ўринда қолган Марко Рубио 10 фоиз ҳам овоз ололмади.

Доналд Трамп умумий ҳисобда ҳам олдинда кетмоқда ва “Ҳаракат” аллақачондан бери айтиб келаётгандек, айнан у президент сайловларида республикачиларнинг номзоди бўлади ва катта эҳтимоллик билан янги президент бўлади.

Маълумки, демократларнинг иккитагина номзоди курашни давом эттирмоқда. Умумий ҳисоб бўйича биринчи ўринда кетаётган Ҳиллари Клинтон Миссисипи ва Мичиган штатларида иккинчи ўринда қолди, биринчи ўринда - Берни Сандерс. Улар орасидаги фарқ бор-йўғи бир неча фоиздан бўлди.
« Олдинги хабар Хабарлар рўйхати Кейинги хабар »