08 March 2016
07:34 - Тожикча масхарабозлик: Имомали Раҳмонга кўра, онанинг меҳри болаларни экстремизм ва терроризмдан сақлармиш, Ислом Карим ҳам шундай деса керак

Тожикистоннинг умрбод Президенти Имомали Раҳмон ўз мамлакатининг хотин-қизларини 8 март байрами билан табриклар экан, экстремизм ва терроризм асримизнинг вабосига айланганини урғулаб, оналарни ўз фарзандларини экстремист ва террорист ташкилотларга кириб қолишдан асрашга чақириб, бунинг учун фарзандларни меҳр-муҳаббат билан тарбиялаш муҳимлигини айтибди.

Табиий, онанинг меҳр-муҳаббати фарзанд учун жуда муҳим, дейди мухбиримиз. Аммо, ахир бир кун фарзанд ўз онасининг бағирдан айрилади, мустақил ҳаёт кечиришга бошлайди. Ана ўшанда ўрганадики, ўзига ота-онасида қолган Ислом динининг бугун қабул қилинган тушунчаларига кўра, эркак мусулмон расман 3 хотинга эга бўлишга ҳаққи бор, мусулмонлар шариат қонунлари билан яшашлари керак. Бу қонунларга кўра, майда ўғриларнинг қўли кесилиши, каттароқ жиноят қилганлар тошбўрон қилиб ўлдирилиши керак. Бундан ҳам муҳими, давлатлар исломий бўлиши керак.

Хўш, шуларни ўрганган одамни онанинг меҳри экстремизм ва терроризмдан сақлаб қоладими? Аксинча, одам ўз ота-онасидан ўзига ўтган Ислом динининг талаблари билан яшаши, Имомали Раҳмон каби худосиз президентларга қарши курашиб, ўзи яшайдиган давлатни диний қилиш, шариат қонунлари бўйича яшаш учун курашиши керакмасми? Қолаверса, айнан онанинг меҳри билан тарбияланган фарзандлар биринчи бўлиб шу йўлга тушиши табиий эмасми? Тинч йўллар билан курашиш мумкин бўлмагани сабабли, улар ўз-ўзидан террористга айланиши табиий эмасми?

Шундай экан, авваламбор бу умрбод Президент Имомали Раҳмоннинг ақлини жойига келтириш шарт. Келажак авдодни экстремизм ва терроризмдан асрашнинг ягона йўли – Ислом динида фундаментал ислоҳотлар ўтказиш ва давлат дунёвий, яни секуляр бўлиши кераклиги Қуръоннинг талаби эканлигини тан олишдир. Агар Имомали Раҳмон онасининг меҳри билан тарбияланган инсон бўлса, Ислом уламоларини Исломда фундаментал ислоҳотлар ўтказишга чорлаши, керак бўлса, зўрлаши шарт.

Қолаверса, бу маслаҳатлар бошқа тожик Ислом Каримга ҳам таалуқли.