Табиий, бу биржанинг асосий кўрсатгичи Dow Jones индексининг ўсиши ҳақида гап кетмоқда. Бу ўсиш изчил бўлгани йўқ. Душанба куни Dow Jones тахмина 100 поғанага тушиб кетган бўлса, сешанба куни қутирди сал кам 400 поғанага юксалди, кейинги 3 кунда ҳаммаси бўлиб 100 поғанача ўсиш бўлди. Ҳафталик ўсиш 400 атрофида. Энди Dow Jones 17007 га тенг.

Экспертлар бундай ўсишни турлича изоҳламоқдалар. Биринчи навбатда, нефть нархининг ортиши кўрсатилмоқда. Бу таҳлиллар унчалик ишончли кўринмайди, чунки, нефть нархи февралнинг ўрталаридан бошлаб мунтазам ортиб келмоқда. Ўсишнинг сабаби сифатида Нефть Экспорт қилувчи Давлатларнинг Ташкилотига (инглизчадан қисқартмаси: лотинча - OPEC, кирилча – ОПЕК) кирувчи мамлакатларнинг бир қисми нефть қазиб олишни камайтиришга қарор қилгани кўрсатимоқда.

Нефть нархи давомли ортиб бораётган бўлса, Dow Jones айнан сешанба куни, яъни бир кунда нега бунчалик юқорига сакради, деган савол туғилиши табиийдир.

Тўғри, экспертлар жума куни АҚШда иш билан таъминланганлар сони ортгани ҳақидаги маълумотлар эълон қилиниб, бу факт инвесторларни рағбатлантиргани ва Нью-Йорк биржасида жонланиш бўлганинини ҳам айтишмоқда. Аммо, жума куни Dow Jones индексида катта ўсиш бўлгани йўқ. Асосий ўсиш, тўғрироғи, юқорига сакраш айнан сешанба куни бўлди-ку. Нимага?

“Ҳаракат”нинг фикрича, ҳамма гап АҚШда “Супер сешанба” деб аталган жорийдаги ҳафтанинг сешанба куни бу йил 8 ноябрда бўладиган президент сайловларнинг бошланғич босқичи бира тўла 13 штатда ўтказилганида. Эрталабдан дақиқама-дақиқа телеканаллар орқали кўрсатиб борилган парймеризларда Доналд Трамп катта фарқ билан республикачи номзодлар ичида лидерлик қилаётганини ҳамма кўриб турди. Нью-Йорк биржаси ҳам, Dow Jones индекси ҳам, инвесторлар ҳам.

Яъни, АҚШ иқтисоди аҳволининг кўрсатгичи ҳисобланадиган Dow Jones индекси ҳам, инвесторлар ҳам, айнан Доналд Трампнинг ғалабасидан рағбатланишди. Улар Барак Обама ҳукумати Украина ва Сурияда Путинга ютқазаётганидан ташвишда эдилар. Доналд Трамп эса, ишонч билан, букилган Американи тиклайман демоқда.