Бугун, 29 февраль куни Москванинг "Октябрьское поле" метро бекатида 4 яшар қиз боланинг кесилган бошини кўтарган, оёқ қора кийинган, бошига ҳижобсимон рўмол ўраган аёл пайдо бўлди. Маҳаллий ўрисларнинг капалагини учириб юборган бу аёлнинг Самарқанддан ишлаш учун Москвага келган Ўзбекистон фуқароси Гулчеҳра Бобоқулова эканини маълум бўлгач, у руҳий хасталиклар диспансерига келтирилди.

Қатор ижтимоий тармоқларда тарқалган видео лавҳаларда аёл туркий халқларга хос таллафузда русча гапиргани акс этган. У ҳибсга олиш пайтида: "Мен террорчиман. Мен ўзимни ўлдираман, лекин сиз барчангиз жазоингизни оласиз" деган гапларни айтган. Полиция Бобоқулова ўзи 1,5 йилдан бери энагалик қилиб келган боланинг бошини кесганликда айбланаётганини маълум қилди. Қизалоқнинг бошсиз танаси бу оила яшаб келган квартирада топилибди. Қотил аёл ўз жиноятидан кейин квартирани ёқиб юбороибди ҳам.

Настя исмли 4 яшар қиз, онасининг айтишича, докторларнинг айби касал бўлиб туғилган, яъни марказий нерв системаси жароҳатлаган. уни даволаш учун Хитойга ҳам олиб боришган, фойдаси бўлмагани сабабли, ҳозир уни Германияда операция қилдириш учун пул йиғилмоқда экан.

Баъзи ўрис нашрларида Бобоқулованинг жиноятдан аввал олинган расми келтирилган.