25 February 2016
19:25 - Ўзбекистоннни водий билан боғловчи темир йўл қурилиши битди, аммо водий билан алоқа қилиш учун бу етарсиз
“Ўзбекистон темир йўллари” ширкатининг иддаосича, Ўзбекистон Фарғона водийсидан мамлакатнинг бошқа вилоятларига юк ва йўловчи ташишда Тожикистонга қарамликдан тўла қутулган. Яъни, Ангрен-Поп электрлашган темир йўли қурилиши якунланган. Икки йил давомида қурилган 123 километрли мазкур йўл мамлакат ичкарисидаги темир йўл ташувларини қўшниларга қарам бўлмаган ҳолда амалга оширишга имкон яратади.

“Ўзбекистон темир йўллари” ширкатига кўра, Ангрен-Поп электрлашган темир йўлининг узунлиги 123 километр бўлиб, унинг 19 километрини тоғ орасида қурилган туннель ташкил этади. Мазкур йўналишда бир қанча бекат ва иншоотлар мавжуд.

Шу пайтга қадар эса Ўзбекистон йилига Фарғонадан 4 миллион тонна юкни тожик темир йўли орқали транзит қилиб, бунинг эвазига Тожикистон бюджетига йилига 28 миллион доллар тўлаган. Транзит ҳақидан ташқари Душанбега олиб ўтилаётган юклар учун яна йилига 30 миллион доллар миқдоридаги газ, цемент ва ёнилғи-мойлаш маҳсулотлари ҳам беришга мажбур эди.

Бу йўлнинг қурилиши сўзсиз яхши нарса, дейди мухбиримиз. Амм Ўзбекистондек келажаги буюк давлатнинг икки қисми (водий ва бошқа қисми) бир-бирлари билан фақат Қамчиқ девони орқалигина алоқа қилаолишлари етарсиздир. Шу сабабли, шу йил аввалги хабарларимдан бирида айтилган сўзларни қайтаришга маюбурмиз: “Руслар Марказий Осиёни атайлаб шундай чегаралаганларки, Ўзбекистондек давлатнинг икки қисми Қамчиқ довони орқалигина алоқа қилолади. Бу аҳвол тузатилиши ва Фарғонага олиб борадиган темир йўллар ўтган ҳудудлар Ўзбекистонга қўшиб олиниши керак. Бунинг бадали қанчалик оғир бўлмасин, қилиниши керак.”