18 February 2016
09:42 - Анқарадаги терактнинг баъзи тафсилотлари ва кўплаб жаҳон лидерларининг баёнотлари бор, аммо курдлар тилга олинмаяпти

Туркия ахборот воситалари ҳукумат расмийларига асосланиб тарқатган хабарларга кўра, Анқарадаги портлашлар Измирда ўғирлаб кетилган ва сохта номерлар тақилган Jeep Cherokee автомобилидаги бир ёки икки одам тарафидан амалга оширилган. Табиий, бомбалар айнан шу автомобилда бўлган. Бу автомобиль ичи тўла турк аскарлари билан йўлда кетаётган автобуслар карвони сфетофор олдида тўхтаганда, Jeep Cherokee автомобили автобуслардан бирининг олдига келган ва ўша заҳоти порталатилган. Кучли портлаш ўша автобусни йўл четига улоқтирган ва у бутунлай ёниб кетган, унинг ичидагилардан ҳеч ким қутилмаган. Бу автобуснинг олдидаги ва орқасидаги 2 автобус ҳам қисман ёнган, уларнинг ичидагиларнинг ҳам бир қисми ҳалок бўлган. Ҳалок бўлганлар ичида ўша автобусларнинг яқинда тасодифан бўлган одамлар бўлиши мумкинлиги ҳам тахмин қилинмоқда.

Jeep Cherokee ичидаги ўлимчи-террористлар кимлиги тўғрисида ҳеч қандай маълумот йўқ. Туркия хавфсизлик хизматларидан бирининг собиқ раҳбари Туркияда ўз-ўзини портлатиб теракт уюштирганлар бўлгани, аммо транспорт воситасини портлатиш биринчи марта бўлганини айтиб, бунақа ишлар ИШИДчиларга хос эканлигига ишора қилибди. Ҳали ҳеч ким, бу теракт курдлар тарафидан уюштирилган бўлиши мумкинлиги ҳақида тахминларини ҳам айтаётгани йўқ.

БМТнинг Бош котиби, АҚШ, Россия ва бир қатор Европа давлатлари Анқарадаги терактни қоралаб, таъзиялар билдиришни бошладилар. Ҳали ҳеч ким бу теракт учун жавобгарликни ўз бўйнига олгани йўқ.