АҚШдаги энг таниқли CNN Агентлигининг телеканалида чиқиш қилган Президент Обама ҳозир бўлаётган сайлов кампаниясига феълан қўшилиб, шундай деди: “Мен миллардер Доналд Трамп президент бўлолмаслигига ишонишни давом эттирмоқдаман, гап шундаки, мен Америка халқига ишонаман... Президентлик ток-шоу ёки реалити шоуни олиб бориш эмас. Бу қийин иш”.

Обама фақат Доналд Трамп эмас, Республикачилар Партиясининг бошқа номзодларининг гаплари ҳам хавотирлик уйғотаётганини гапирибди: “ Трамп мусулмонларга қарши кайфиятни кўтаришга катта роль бермоқда, бошқа номзодларнинг гаплари ҳам безовталик уйғотади”.

Барак Обама аввалги чиқишларидан бирида ҳозир бўлаётган сайлов кампаниясида ҳеч кимнинг тарафдори бўлмоқчи эмаслигини гапирганди. Энди нима ўзгарди, дейди мухбиримиз. Гап шундаки, “Бирлик” лидери Абдураҳим Пўлатнинг АҚШ президентига (у Мэриленд штатидаги бир масжидга мусулмонлар билан учрашига кетиши олдидан) ёзган хатида шундай сўзлар бор эди: “Мен аминманки, жаноб Доналд Трамп ҳақли. У анчагина қўпол гапираётган бўлса ҳам, аслида, америкаликларнинг эътиборини 21-чи асрнинг асосий чақириғи бўлган ислом терроризмига тортмоқда. Америкаликлар уни эшитишди. Бу яхши нарса. Кейинги қадам бу муаммони ечиш йўлидаги ҳаракатлар бўлади.” Бу хатнинг матни “Ҳаракат” сайтида ҳам эълон қилинган.

Ҳеч шубҳа йўқки, “Бирлик” лидерининг “Америкаликлар Доналд Трапни эшитишди. Бу яхши нарса. Кейинги қадам бу муаммони ечиш йўлидаги ҳаракатлар бўлади” деган сўзлари Барак Обамани сайлов камапаниясига феълан қўшилишга мажбур қилган. Аммо, америкаликлар Трапмни эшитиб бўлишди, у президент бўладими, бўлмайдими, фарқи йўқ, унинг сўзлари амеркаликларни ўзгартириб бўлди.

Эслатиб ўтиш керакки, Доналд Трамп фақат мусулмон муҳожирларга эмас, ҳамма муҳожирларга қарши эканлигини кўрсатувчи гаплар гапирмоқда. Масалан, у Мексика орқали Марказий Американингг қашшоқ мамлакатларидан қочиб келаётган муҳожирлар оқимини тўхтатиш учун Мексика-АҚШ чегарасига баланд девор қуриш кераклигини ҳам айтган.