02 February 2016
12:43 - Қашқадарёда йирик кимё мажмуаси қурилиши тўхтатилди
Ўзбекистон ва Сингапур ҳукуматлари орасида Қашқадарёда қурилиши келишилган UzIndoramaGasChemical қўшма корхонаси тўхтатилди. Ўрисларнинг РИА Новости агентлиги тарқатган хабарга кўра, завод қуриш режасидан воз кечилишига дунё нефть бозоридаги нобарқарор вазият, тўғрироғи, нефть нархининг кескин тушиб кетиши сабаб бўлдган. Мамлакатимиз жанубида амалга оширилиши керак бўлган 2,5 миллиард долларлик лойиҳа муддатга музлатилган ва унинг истиқболи ҳам номаълумлигича қолмоқда.

Агентликка интервью берган қўшма корхона мулозими молиялаштириш кафолатларининг йўқлиги боис Ўзбекистон ҳукумати мазкур лойиҳани инвестицияларга оид давлат дастурига киритмаган. Агар қўшма корхона қурилганида йилига 492 минг тонна полиэтилен, 66 минг тонна газ конденсати ва 53 минг тонна пиролиз бензинини ишлаб чиқариш мумкин эди.
« Олдинги хабар Хабарлар рўйхати Кейинги хабар »