29 January 2016
23:33 - Оқ Уй: Россия ва Путиннинг коррупциялашгани ҳақидаги Молия вазирлигининг фикри - бизнинг ҳам фикримиздир

26 январда «Ҳаракат» сайтида эълон қилган “Россияга зарба устига зарба: АҚШ Молия вазирлиги Владимир Путиннинг корупция ичида эканлигини иддао қилди” номли хабаримизда АҚШнинг Молия вазирлигида (расмий номи – Ғазначилик Департаменти) санкцияларни назорат қилиш билан шуғуллланадиган маъсул ходим Адам Цубин (Adam Szubin) 25 январь куни ББСнинг инглизча хизматига интервьюси бериб Россия Президенти Владимир Путин коррупцион ишларга аралашгани АҚШ учун кўп йиллардан бери маълум эканлигини айтганини билдирган эдик. Мавжуд ҳукуматнинг расмий одами гапираётган фикрлар Оқ Уйники ҳам эканлигига шубҳа йўқ эди.

Ҳозир маълум бўлишича, АҚШ Президентининг матбуот котиби Жош Эрнест Youtube тармоғида ҳам тарқатилган брифингида Молия вазирлигининг Россия Президенти Владимир Путин коррупционерлиги ҳақидаги баёноти ҳукуматнинг (америкаликларнинг расмий тилида – маъмуриятнинг) нуқтаи назарини энг яхши шаклда ўзида акс эттиради.

Оқ Уй доирасида фаолият олиб борадиган АҚШ Миллий Хавфсизлик Кенгашининг вакили Марк Стро эса бу мавзуга шундай нуқта қўйибди: “Биз Жош Эрнестнинг таҳлилларини ўз кучида қолдирамиз ва бундан буён бу масала бўйича саволлар бўлса Молия вазирлигига мурожаат қилишни сўраймиз.”

Нима ҳам дердик, дейди мухбиримиз, “бечора Путин” деймиз.