26 January 2016
10:45 - Россияга зарба устига зарба: АҚШ Молия вазирлиги Владимир Путиннинг корупция ичида эканлигини иддао қилди

АҚШнинг Молия вазирлигида (расмий номи – Ғазначилик Департаменти) санкцияларни назорат қилиш билан шуғуллланадиган маъсул ходими Адам Цубин (Adam Szubin) 25 январь куни ББСнинг инглизча хизматига берган интервьюсида Россия Президенти Владимир Путин коррупцион ишларга аралашгани АҚШ учун кўп йиллардан бери маълум эканлигини айтди. Адам Цубин билан ўтказилган суҳбатнинг мазмуни қуйидагича.

Россия Қримни босиб олгандан кейин унга қарши АҚШ ва ЕИ тарафидан киритилган санкциялар Путиннинг яқин дўстлари ва улар раҳбарлик қиладиган ширкактларни ҳам ўз ичига олганди.

Владимир Путин шу пайтгача мамлакт иқтисодининг энг кўп фойда берадиган секторларини, масалан, энергетика секторини, ўз дўстларига топшириб қўйган. Шунинг ўзи энг катта коррупциядир. Унинг давлатдан оладиган маоши йилига 100 минг доллар атрофида, аммо АҚШ Марказий Разведка Бошқармасининг 2008 йилда эълон қилинган ҳисобатида кўрсатилишича, Путиннинг бойлиги ўша пайтдаёқ 40 миллиард доллар эди (!!!).

Расман эгаси Россия миллиардери Роман Абрамовия ҳисобланадиган кўп миллиардлик яхтанинг ҳақиқий эгаси Владимир Путин эканлиги ҳам алоҳида урғуланади.

Владимир Путин ББСга интервью беришдан қочибди, аммо унинг Бош котиби Дмитрий Песков Адам Цубиннинг суҳбати эълон қилинар-қилинмас, бу айбномаларга жавоб бериш ниятлари йўқлигини, уларнинг ҳаммаси уйдирма нарсалар эканлигини билдириш билан чекланибди. Бечора Путиндан бошқача жавоб бўлиши ҳам мумкин эмасди.