16 January 2016
16:49 - Жакартадаги терактда 17, Уагадугудагисида камида 23 киши ҳалок бўлгани айтилмоқда
14 январда Индонезиянинг пойтахти Жакартада ИШИД тарафдорлари уюштирган теракт натижасида 7 киши ҳалок бўлганини жаҳон ахборот воситаларига асосланиб биз ҳам хабар қилгандик. Бу мамлакат полициясининг раҳбари Бадродин Хаитига асосланиб ҳозир тарқатилган хабарларга кўра, ўлганларнинг сони 17 га чиққан, террористлардан 11 киши ушланган. Аммо, аввалги хабарларда ҳалок бўлган 7 кишининг 5 таси террористлар эканлиги айтилган бўлса-да, ҳозир айтилаётган 17 киши ичида нечтаси террорист эканлиги тилга олинмайди.

Кеча Буркина-Фасо давлатининг пойтахти Уагадугу шаҳрида ал-қоидачилар 20 кишини ўлдирганлари хабар қилинган эди, сўнги маълумотларга кўра, ҳалок бўлганларнинг сони камида 23 бўлган, 3 та террорист ўлдирилган, гаровга олинган 123 киши озод қилинган. Аммо, қанча террорист қўлга олингани, антитеррористик операция битиб-битмагани номаълум.

Хуллас, исломий терроризм автоҳалокатлар каби оддий воқеага айланиб бормоқда.
« Олдинги хабар Хабарлар рўйхати Кейинги хабар »