08 January 2016
11:44 - Ўзбекистон фуқароси Фазлиддин Қурбонов терроризм айби билан АҚШда 25 йилга қамалди, бу террористни тарбиялашда америкаликларнинг ҳам айби йўқми? Бор, дейди Абдураҳим Пўлат

АҚШнинг Айдаҳо штати суди террорчиликда айбланган ўзбекистонлик қочқин, 33 ёшли Фазлиддин Қурбоновнининг ишини кўриб чиқиб, унга қўйилган беш айбловнинг учтасини 2015 йилнинг 12 августида тасдиқлагани ҳақида 14 августда хабар берган эдик. Ўша хабариимздан маълумки, қарийб бир ой давом этган судда Фазлиддин Қурбоновга нисбатан қўйилган "Ўзбекистон исломий ҳаракати" террорчи гуруҳига моддий ёрдам беришга уриниш ва тил бириктириш ҳамда ноқонуний портловчи моддага эгалик қилиш эпизодлари исботини топган эди.

Мана энди кеча, яъни 7 январда ҳукм ҳам ўқилиди. Фазлиддин Қурбонов 25 йилга озодликдан маҳрум этилган, қамоқдан чиққандан кейин Ўзбекистонга депортация қилинади. АҚШ Адлия вазирлигининг веб-сайтида берилган 2-3 варақлик билдиришда айтилишича, 2012 йилнинг ёзидан 2013 йилнинг май ойигача Фазлиддин Қурбонов электрон почта ва скайп орқали Ўзбекистон Исломий Ҳаракатининг веб-сайти юритувчилари билан алоқада бўлган. Унинг ёзишмалари америкаликлар ва америкалик ҳарбийларга душманлик руҳида эканлиги, АҚШда терактлар ўтказиш учун портлагичлар қилишга ўрганганини кўрсатибди. У ўз квартирасида потлатгичлар учун керакли бўлган нарсалар тўплабди, нималардир қилишга ҳам бошлабди. Кўринишидан, унинг ҳамма ишлари кузатув остида бўлган ва уни 2013 йил май ойида ҳибсга олишган.

Қизиғи шундаки, Адлия вазирлигининг каттагина билдиришида Фазлиддин Қурбонов қачон ва қандай қилиб АҚШга келиб қолгани айтилмайди. Тахмин қилиш мумкинки, у АҚШда инсон ҳуқуқлари ва дин эркинлиги билан шуғулланадиган, аммо инсон ҳуқуқлари масаласида 20 асрда қолиб кетган, дин эркинлиги нималигини ҳам тушунмайдиган ташкилотларнинг ёрдамида, сиёсий қочқин мақоми олиб АҚШга келиб олган бўлса керак. Балки, у акромийлардан биридир.

Аслида, дейди мухбиримиз, АҚШнинг суди америкалик ҳуқуқ ҳимоячиси ташкилотларга уларнинг хатоларини кўрсатиб берса ва уларни огоҳлантирса яхши бўларди. Сурияда ИШИДнинг асосларини яратишда, Мисрда “Мусулмон-қардошлар” ташкилотининг Араб баҳори даврида кескин фаоллашишида ўша ташкилотларнинг роли бор.

Мисрнинг ҳарбийлар қўлида бўлган ҳукумати АҚШнинг Халқаро Республикачилар Институти, Миллий Демократик Институти ва Хьюман Райтс Уотч ташкилотларининг Қоҳирадаги офиси фаолларини ҳибсга олиш ҳақида қарор чиқаришгача, президентликка сайланган исломчилар одами Муҳаммад Мурсини ҳарбий тўнтариш йўли билан ағдаришгача, кейин уни ва “Мусулмон-қардошлар” ташкилотининг раиси Муҳаммад Бадига ўлим жазоси беришгача бордилар, “Мусулмон-қардошлар” ташкилотининг оёққа туришига йўл бермадилар.

Ўзи террористлардан иборат бўлган Сурия режими буни қилолмади.

Жойи келгани учун эслатиш керакки, Халқаро Республикачилар Институти, Миллий Демократия Институти ва Хьюман Райтс Уотч ташкилотларининг Қоҳирадаги офиси фаоллари АҚШ элчихонасига қочиб бекиниб олишгач, АҚШ Президенти Барак Обама ва ўша пайтдаги Давлат Котиби Ҳиллари Клинтон Миср ҳарбийларига қарши кескин баёнотлар бериб, америкаликларни қамаш ҳукми бекор қилинмаса, ундай қиламиз, бундай қиламиз деб дўқ-пўпислар ҳам қилдилар.

“Бирлик” Партияси лидери Абдураҳим Пўлат ўшанда Ҳиллари Клинтонга хат ёзиб, хусусан, Халқаро Республикачилар Институтининг ходимлари шубҳали ишлар билан шуғулланишларини билишини, бу ҳақда АҚШнинг Хельсинки Комисиясидаги нутқида ҳам гапирганини эслатди ва қамалганлар масаласида бошқача йўл тутиш кераклигини билдирди. Айнан шундан кейин, АҚШ 3 млн доллар гаров пули бериб, АҚШ элчихонасига бекиниб олган одамларини Мисрдан олиб чиқиб кетди.

Абдураҳим Пўлатнинг Ҳиллари Клинтонга 2012 йил 2 февралда ёзилган хати билан “Ҳаракат” сайтининг инглизча саҳифасида танишиш мумкин.