Масалан, ўтган ҳафта Ўзбекистонда 325 жойда ёнғин чиқиб, 7 киши ҳалок бўлибди. Ислом Карим раҳнамолигида яшаётган Ўзбекистонда ёнғинлар чиқиши ва одамлар ўлишини хабар қилишга рухсат берилганини ўзи катта хабар-ку! Табиий, рухсат Ислом Каримнинг ўзидан келган.

Ўзбекистон Либерал-демократик партиясининг Қонунчилик палатасидаги депутати Адҳам Назирқулов Ислом Каримнинг ёлғон гапларига ишониб, Ўзбекистонда иқтисод тез ўсаётганидан хурсандлигини кўрсатиш ҳам хабарлардан бири бўлган. Депутат бўла туриб ҳақиқий аҳволимзни ҳам билмайдиган аҳмоқлар тиқилиб ётибди. Шундай бўлса ҳам бир савол қўяйлик: Наҳотки бу аҳмоқ депутат ўзбек профессорлари қозоқ дворникларидан кам маош оладиган ҳолга тушганимизни билмайди?

Ўзбек профессорлари, демак, математика профессорлари ҳам, қозоқ дворникларидан кам маош олар экан, Тошкентда “Ажойиб математика” деб номланган фестивал очилган эмиш. Куламизми ёки йиғлаймизми? Келажагимиз қозоқлардрга мардикорчилик қилиш экан, бизга математиканинг нима кераги бор ўзи?

Мамлакатимизда яхши янгиликлар ҳам йўқ эмас. Тошкентда қалбаки заргарлик буюмлари сотувчиси қўлга тушибди, демак, энди ўзбекларнинг ростакам заргарлик буюмлари сотиб олиш имкониятлари кўпаяди.

Яна бир яхши хабар. Юнусободда маст одам машина олиб қочиб, 2 та машинага урилибди ва 2 милициячини жароҳатлабди. Муҳим бўлгани, унинг ўзига ҳеч нарса бўлмагани, демак, у ҳеч нарсадан қўрқмасдан қамохонада ётаверади. Жараҳотланган милиционерлар эса бир нача кун пора олмасдан яшашади, анча одам пора беришдан ҳеч бўлмаса бир неча кунга қутилади.

Яна бир ёмон хабар - Чилонзорда 20 кишига етадиган наша сотаётган нашафуруш қўлга олинганидир. Нашасиз қолган 20 одам нима қилади энди? Ўзбекистонда ўртача ойлик Қозоғистондан 8 баравар камлигини ўрганадими? Унда ҳаёти барбод бўладику. Ҳозир “осмонимиз тингч, нашамиз бор" деб хурсанд бўлиб юрарди. Энди ҳаёти нима бўлади? Жуда ёмон. Бундай кетаверса, ўзбекларнинг ҳаёти жаҳаннамга айланадику.