06 January 2016
08:23 - Барак Обама одамларга қурол сотиб олишни қийинлаштирувчи қоидалар киритиш ниятини очиқлар экан, кўз ёшини тўхтатолмади
АҚШда қонуний йўллар билан қурол сотиб олиш осонлаштириб юборилгани сабабли жуда кўп одамларнинг қўлида ва уйида қурол бор. Қурол бор экан, у алабатта отади. Ҳозир айнан шундай бўлмоқда. Қуролни ўзини ҳимоя қилиш учун эмас, тушуниб бўлмас сабаблар билан бошқаларга ҳужум қилишда ишлатиш ҳоллари кўпайиб кетмоқда. Бир неча марта ҳатто мактабларга ҳужум қилганлар, ўқувчиларни ўлдирганлар бўлди. Ислом террористлари расмий йўллар билан олинган қуроллардан фойдаланиб, одамларни ўлдирмоқдалар.

Аммо, Конгресс бир неча йил аввал Барак Обаманинг қурол сотишни қийинлаширишга қаратилган қонун лойиҳаларини тасдиқламади. Президентнинг тарафдорлари Конгрессда ҳал қилувчи роль ўйнайдиган конгрессмен ва сенаторлар қурол сотиш билан шуғулланувчи компаниялар тарафидан сотиб олинганига ҳам имо-ишора қилмоқдалар.

Яқинда Калифорнияда мусулмон эр-хотин 14 кишини ўлдиргандан кейин, оддий америкаликларнинг қурол масаласига бўлган ҳис-туйғулари яна ҳам нозиклашди.

АҚШ Президенти Барак Обаманинг президентлик муддати бир йилдан кейин тугайди. Унинг ўрнига келадиган одам бу йил ноябрь ойида сайланади. Обама лавозимидан кетишдан олдин оддий олдамларга қурол сотиш масаласида бирон нарса қилиш ҳаракатида эканлиги тушунарлидир. У кеча Оқ Уйда журналистлар олдида баёнот бериб, Конгресс тарафидан тасдиқланишига эҳтиёжи бўлмаган қоидалар киритиш ниятини очиқлади. У киритадиган қоидаларга кўра, Интернет орқали қурол сотиб оладиганларнинг кимлиги ҳам текширилади, қурол сотиб олмоқчи бўлганларда руҳий касаллик бор-йўқлиги қаттиқроқ текширилади, қурол ишлаб чиқарувчилар билан ҳам қандайдир ишлар олиб борилади ва ҳоказолар.

Барак Обама ўз таклифларини умумий шаклда айтиш билан бирга, америкаликларни қурол сотишда чекловлар киритишга қарши бўлган президентликка номзодларга овоз бермасликка чақирди. Унинг Оқ Уйдаги баёнот бериш маросимига мактабларга қуролли ҳужум натижасида ҳалок бўлган болаларнинг ота-оналари ҳам таклиф қилинган эди. Обама уларнинг ҳузурида 2012 йили Коннектикут штатининг Ньютаун шаҳридаги мактабга қуролли ҳужум пайтида ўлган болларни эслар экан, кўз ёшларини тутолмади.

АҚШ Президентининг қурол сотиш масаласида қаттиқ қўлликка чақириши мутлақо тўғри, дейди мухбиримиз. Аммо, масаланинг бошқа тарафи ҳам бор. Масалан, Калифорнияда эр-хотин мусулмон террорист қандайдир оммавий тадбир ўтказилаётган ерда қуролсиз одамларга ҳужум қилиб, 14 кишини ўлдиргандилар. Агарда ўша ердаги одамларнинг биронтасида қурол бўлса эди, у қаршилик кўрсатган, балки, террористларни отиб ўлдирган бўларди, бунчалик кўп қурбон бўлмас эди.

Автомобиллар бор экан автоҳалокатларни йўқ қилиб бўлмагани каби, қурол сотиш бор экан, қурол ишлатишни суиистеъмол қилувчилар бўлади. Бундайларнинг сонини минималлаштириш ва ҳар тарфлама чегаралаш йўлида нимлардир қилиш кераклиги шубҳасиздир.

Лекин, ислом терроризмини Обама айтаётган йўллар билан жиловлаб бўлмайди. Бу ерда ягона йўл – Ислом динида фундаментал ислоҳотлар қилиш.