Кечагина битган 2015 йилнинг 29 декабрида АҚШнинг “Свобода” радиоси Россия Президенти Владимир Путинни қоп-қора қилиб кўрсатувчи "Хуизмистерпутин" (Путин ким ўзи) номли ҳужжатли фильм Киевда презентация қилинганини хабар қилди ва у фильмни ўз сайтига қўйди. Бу фильм КГБчи Владимир Путин машҳур Анатолий Собчакнинг қўли остида Ленинград ҳокимиятида 1991-1995 йиллари ишлаган пайтидаёқ уюшган жиноий гуруҳлар билан ҳамкорлик қилиб, асосан ўғрилик билан шуғуллангани, ўзи бир қатор уюшган жиноий гуруҳларга асос солгани, айнан шу уюшган жиноий гуруҳлар билан Россияни ўз хўжалиги каби ҳозир ҳам бошқараётгани ҳақида. Фильм Валерий Балаян тарафидан тайёрланган.

1 соату 40 дақиқалик фильм анчагина зерикарли, чунки, у ерда бир бирига ўхшаш воқеалар кўп кўрсатилади. Фильм охирида “Қайта қуриш сиёсати СССРни бошқа ном билан бўлса ҳам КГБнинг назорати остида яшайдиган давлат сифатида ушлаб қолиш учун яратилган эди” деб чиқарилган фикрга мутлақо хато. Аслида, КГБ ўша пайтда ҳокимиятга келган демократларнинг сиёсий тажрибасизлиги ва янги демократик сиёсий система мўртлигидан фойдаланиб, ҳокимиятни ўз қўлига қайтадан ўтказиб олганди. КГБнинг кўзи оч ёш ходимлари эса, уюшган жиноий гуруҳларга асосланган бошқарув системаси билан Рссияни ўзлари ҳам тушунмаган ҳолда ўлимга олиб кетмоқдалар.

Бизга қўшни бўлган буюк давлатнинг ўлимга кетаётгани - ўзбекларни қизиқтириши керак бўлган фактдир. Аммо, ўзбек миллати ҳозир ўзининг бугунги куни ва келажаги билан ҳам иши бўлмаган тўда ҳолида экан, қўшнилар билан қизиқармиди, деган савол ўртaга чиқиши ҳам табиийдир.

Шундай бўлса ҳам, бу фильмда ўзбекларнинг диққат-эътиборини ўзига тортадиган бир нарса бор. Фильмда кўрсатилишича, Урал тоғ-металлургия компаниясининг асосчиси ва эгаси, Россия миллиардерлари ичида 15-чи, дунё миллиаардерлари ичида 123-чи ўринда турувчи ўзбек аслли Искандар Маҳмудов бу мамлакатда танилган ва Путиннинг одамларига боғлиқ бўлган уюшган жиноятчи гуруҳлар билан яқиндан алоқада бўлган, ҳозир унинг ўзи ҳам уюшган жиноятчи гуруҳлардан бирининг лидери эканлигини кўрсатувчи фактлар келтирилади.

Демак, Путиндан кейин Искандар Маҳмудовнинг иши, энг юмшоқ шаклда айтсак, чатоқ бўлади. Ўша пайтда Ислом Карим ҳам КГБнинг ходими эканлигини кўрсатувчи фактлар ўртага чиқади.

Дарвоқе, "Хуизмистерпутин" (Путин ким ўзи) номли ҳужжатли фильмни “Свобада” радиосининг сайтида кўриш мумкин. Фильм шу дақиқаларгача шу сайтнинг ўзида сал кам 200 минг киши тарафидан кўрилган. Мана унинг адреси - http://www.svoboda.org/content/article/27455666.html