22 December 2015
05:53 - Афғонистонда ўлимчи-террорист ўзи билан бирган 6 америкалик ҳарбийни ўлдирди
АҚШ қўшинларининг Қобул яқинидаги Баграм ҳарбий базаси олдида юз берган бу терактга маъсулиятни Толибон олди, дейилади Reuters агентлигининг хабарида. АҚШнинг Афғонистондаги расмийларига кўра, бу теракт сўнги йиллардаги энг кўп қурбонли ҳужум бўлган.

Қаранг, АҚШдек давлат 14 йилдан бери Толибонни йўқ қилолмайди. Мана энди ўртага ИШИД чиқди ва АҚШ Президенти Барак Обама унга қарши кураш стратегиясини эълон қилиб, ўша куниёқ дам олиш учун Гавая оролларига жўнаб кетди. У ўз стратегияси қандай амалга оширилишини ўша ердан кузатмоқчи, шекилли.

Reuters агентлигининг хабарига илова қилинган графикда Афғонистонда 2001 йилдан бери ҳалок бўлган АҚШлик, Буюкбританиялик ва бошқаларнинг сони кўрсатилган. Мовий ранг ҳалок бўлган америкаликларнинг, тўқ мовий ранг англияликларнинг, кул ранги бошқаларнинг сонини кўрсатади.