16 December 2015
21:46 - Норвегияда миграция вазирлиги таъсис этилди, Ўзбекистонда бу қачон амалга оширилади?
Reuters агентлиги хабарига кўра, Норвегия ҳукумати миграцион инқироз муносабати билан юзага келаётган турли масалалар билан шуғулланадиган махсус вазирликни таъсис қилди. Қироллик ҳукумати раҳбари Эрна Сульберг иммиграция ва интеграция вазирлиги деб аталган бу идоррага собиқ қишлоқ хўжалиги ва озиқ-овқат маҳсулотлари вазири Сюльви Листеугни тайинлади. Янги вазирлик мансаби адлия ва жамоат хавфсизлиги вазирлиги негизида ташкил этилган.

“Бирлик” эса Ўзбекистонда юзага келган инқирозий ҳолатдан келиб чиқиб, чет элларда яшаётган ёки мардикорчилик қилаётган ватандошларимизнинг муаммолари билан шуғулланадиган миграция вазирлиги тузишни ва унга ҳамкасб дўстимиз Пўлат Охунни раҳбар этиб тайинлашни таклиф қилиб Ислом Каримга мактуб йўллаганига сал кам 10 йил бўлмоқда. Аммо бу одам вазирлик тузиш ўрнига халқни боқаётган мардикорларимизни “дангаса”лар деб айтишдан нарига ўтмаяпти.

Нима қилиш керак? Бу саволга жавобни ўзбекларнинг ўзи қидириши керак.
« Олдинги хабар Хабарлар рўйхати Кейинги хабар »