15 December 2015
22:13 - Тошкент маҳаллалари ва кўп қаватли уйларга видео камералар ўрнатилади
Тошкент шаҳар ҳокимлиги матбуот хизматига кўра, кейинги йил давомида Тошкент шаҳридаги мавжуд кўп қаватли турар-жойлар, маҳалла ва мавзеларда ташқи видео-кузатув мосламалари ўрнатилади. Видео-кузатув мосламалари ўрнатилишидан мақсад қайд этилган жиноятчилик ва ҳуқуқбузарлик ҳолатлари ҳисобга олиш ва тегишли идораларга хабар беришдан иборат.

Маҳаллий матбуот видео-кузатув мосламаларини ўрнатиш ва улардан фойдаланиш хизмати махсус ташкил этилган корхона ва ташкилотлар, бошқарув сервис компаниялари ёки хусусий уй-жой мулкдорлари ширкатлари томонидан ҳар бир хонадон билан тузиладиган шартномалар асосида ташкил этилиши белгиланиши ҳақида ёзди. Туман ҳокимининг биринчи ўринбосарлари бошчилигида ишчи гуруҳи тузилиб, кўп қаватли уйларда, маҳалла ва мавзеларда видео-кузатув мосламалари ўрнатиш ишларини ташкиллаштирилади.

Видео-кузатув мосламаларини ўрнатиш ва уларга техник хизмат кўрсатиш ишлари грантлар, тижорат банкларининг кредитлари ва аҳоли маблағлари эвазига амалга оширилади.
« Олдинги хабар Хабарлар рўйхати Кейинги хабар »