11 December 2015
21:48 - Балиқчида миршаб ўзини осди, бошқа туманларга миршабошилар жўнатилди
Андижон вилояти Балиқчи тумани Чинобод шаҳар ИИБ қўриқлаш хизмати нозири, 28 ёшли Диёрбек Давлатов кеча тунда ўзини осиб ўлдирди. Миршабнинг нега ўз жонига қасд қилгани ҳозирча маълум эмас. Айни пайтда, Ички ишлар вазири А. Аҳмадбоев мамлакатимизнинг бир қанча вилоят ва туманларига янги миршаббошилар йўллади.

Мана уларнинг рўйхати: Мирсобит Мусаҳожиев Андижон вилояти ИИБ Ёнғин хавфсизлиги бошқармаси бошлиғи, майор Асилбек Эшқобулов Самарқанд вилояти ИИБ ҳузуридаги қўриқлаш бошқармаси бошлиғи, подполковник Ўринбой Ҳамроев Хоразм вилояти ИИБ Ташкилий-инспекторлик бўлими бошлиғи, подполковник Ўткир Бадалов Бухоро вилояти Бухоро шаҳар ИИБ бошлиғи, подполковник Наврўз Алимов Тошкент вилояти Қибрай тумани ИИБ бошлиғи, подполковник Акрам Ҳалимов Самарқанд вилояти Оқдарё тумани ИИБ бошлиғи этиб тайинланган.

Шунингдек, подполковник Алишер Фозилов Бухоро вилояти Шофиркон тумани ИББ бошлиғи, подполковник Мансур Сатторов Наманган вилояти Мингбулоқ тумани ИИБ бошлиғи, подполковник Сарвар Ғофуров Сирдарё вилояти Гулистон тумани ИИБ бошлиғи лавозимларида иш бошлади.
« Олдинги хабар Хабарлар рўйхати Кейинги хабар »