Кеча Стасбург шаҳрида Европа Иттифоқининг парламентида чиқиш қилган Еврокоммисия раҳбари (ЕИнинг бош вазири деса бўлади) Жан-Клод Юнкер Шенген келишуви асосида яратилган Шенген зонаси фалаж ҳолат остонасига келганини айтар экан, "Шенген зонаси бўлмаса, евро ҳам бўлмайди. Аммо, Европанинг келажагига ишонганлар, Шенгенга янги ҳаёт беришлари керак" деди дейилади Бельгияда чиқадиган Сиёсат (Politico) газетасининг сайтида тарқатилган хабарда.

Маълумки, 26 Европа мамлакатини ўз ичига олган Шенген зонаси давлатларининг фуқаролари ёки бу давлатлардан бирига виза олган чет элликлар бу зона ичида ҳеч тўсиқсиз сафар қилоладилар. Буюкбритания ва Ирландия Шенген келишувини имзолаган бўлса ҳам, амалда Шенген зонасига ҳалигача кирмаган.

Ҳозир Ўрта Шарқ ва Ғарбий Африка давлатларидан келаётган қочқинлар ёки қочқин номи остидаги меҳнат муҳожирларининг сони кескин ортгани туфайли, Шенген зонаси ростдан ҳам фалажлик остонаси деса бўладиган инқирозга етиб келди. Париждаги терактлардан кейин инқироз яна ҳам чуқурлашди.

Европа Иттифлқи давлатлари Шенген зонасини бу аҳволдан чиқариш, Шенген зонасининг ташқи чегараларини мустаҳкамлаш, зона ичкарисида хавфсизлик даражасини кескин ошириш кераклигини гапирмоқдалар, шу йўналишда ишламоқдалар. Кеча Европарламентда бу муаммо тилга олиниши ҳам шу ишлардан биридир.

Ўша газетадаги хабарда айтилишича, Германия канцлери Ангела Маркел ҳам кеча ўз мамлакатининг парламентдаги нутқида айнан шу муаммоларни тилга олган экан.

Ҳеч шубҳасиз, дейди "Ҳаракат" мухбири, Европа мамлакатлари Шенген зонасини ҳам еврони ҳам сақлаб қоладилар, акс ҳолда, Шенген ёки евронинг ўлими - ЕИнинг ҳам ўлими бўлган бўларди. Аммо, ЕИ ҳалигача ўзининг фондаментига хавф солаётган ислом терроризми билан курашнинг стратегик йўлини тўғри танлай олмади. Тўғри йўл эса, "Бирлик" Партияси лидери Абдураҳим айтаётгандек, Ислом динининг Қуръонни хато тафсир қилинишидан келиб чиққан хато тушунчалардан қутилишга асосланади. Демак, Европа ҳам Ислом дини ўз ичида фундаментал ислоҳотлар ўтказиб, дунёвийлик/секуляризм прирнципини қабул қилишга эришишида ёрдамчи бўлиши керак.