Суриядаги жангарилар билан фаол ҳамкорлик қилиб келган салафийларнинг бир гуруҳи Ўзбекистон пойтахтида ҳибсга олинди. Дастлабки маълумотларга кўра, салафийлар Ўзбекистонда халифат ўрнатиш мақсадида “Жаннат ошиқлари” ва “Ҳизбут Таҳрир” радикал гуруҳлари билан ҳамкорлик қилиб келган. Тошкентлик салафийлар араб давлатларидаги жанговар ҳаракатларда иштирок этиш учун ҳижрат арафасида ушланибди.

12news.uz нашрининг ёзишича, қўлга олинган гуруҳ аъзолари араб давлатларидаги жанговар ҳаракатларда иштирок этиш учун "ҳижрат" қилишни режалаштирганлар. Бунинг учун Суриядаги "Жаннат ошиқлари" номли террорчилик ҳаракати билан ҳамкорлик алоқалари ўрнатилган. Бундан ташқари улар салафийларнинг “Ҳизбут Таҳрир" экстремистик ташкилотидаги Абдулазиз Раҳимов исмли одамга ҳам алоқага чиқишган. Раҳимов бошчилигида икки радикал гуруҳ ўртасида доимий алоқа таъминланган.

12news.uz нашри бу маълумотларни қаердан олганини кўрсатмайди, аммо ҳамма нарсанинг ичида бўлгандек, Абдулазиз Раҳимовни бошқарган одамлар Қирғизистонда эканлигини ёзади. Лекин, ҳукуматнинг бу каби қўғирчоқ ахборот воситаларисиз ҳам тахмин қилиш мумкинки, Ўзбекистонда ислом терроризми оёыыа туриш арафасида.