Reuters агентлиги АҚШ Давлат Департаментининг матбуот котибига асосланиб билдиришича, Жон Керри билан Ислом Каримнинг Самарқанддаги учрашуви пайтида Ислом Каримга Ўзбекистонда инсон ҳақларининг топталаши ҳақида савол берган америкалик журналист ташқарига ҳайдаб чиқарилгани Давлат Департаменти тарафидан текширилади.

Ўша пайтда олинган расмларга кўра, хавфсизлик хизматчиси журналистларни Жон Керри ва Ислом Карим учрашуви бошланган хонадан чиқариб юбораётган пайтда журналистлардан бири бақириб Ислом Каримдан инсон ҳуқуқларининг топталиши ҳақида савол берибди. Ислом Карим бу саволга эътибор бермабди, журналистлар хонадан чиқариб юборилибди.

Аслида, бутун дунёда бу каби юксак даражадаги учрашувлар бошланаётганда учрашувчилар олиги журналистлар киритилади, қисқа савол-жавоблардан кейин журналистлар назокатлик билан у хонадан чиқариб юборилади. Шундай шароитда Ислом Каримга инсон ҳуқуқлари масаласида савол беришга журъат қилган журналистга “офарин” дейиш, шу савол атрофида тўс-тўпалон кўтариш керак.

Бироқ, Ислом Каримнинг хавфсизлик ходими қанчалик қўпол бўлганига қарамасдан, бу воқеани ўрганишдан ҳеч нарса чиқмаслиги ҳозирданоқ маълум, дейди мухбиримиз. Қолаверса, Ислом Карим ўзбек миллати ва Ўзбекистон давлатини йўқ қилиш ҳаракатидаги жиноятчи экан, унинг қўримачисини қўполлиги билан шуғулланиш ножиддийликдан бошқа нарса эмас, дейди мухбиримиз.

Ислом Каримнинг одамлари усталик қилиб ўша қўпол қўримачи қўполлиги учун ишдан ҳайдалаганини эълон қилсалар, журналистлар Ўзбекистонни ҳақиқий демократ давлат сифатида олқишлашга мажбур бўлиб қолмайдиларми?

Reuters агентлиги бу хабарга Ислом Карим Жон Керрини аэропортда кутиб олаётгани пайтида олинган расмни илова қилибди. Демак, агентликнинг қўлида ўша қўполлик воқеасини кўрсатувчи расм ҳам йўқ.