31 October 2015
17:34 - Жон Керри бугун Бишкекда, эртага Самарқандда бўлади

Қирғизистон ахборот воcиталари АҚШ Давлат Котиби Жон Керри бугун эрталаб Бишкекга келгани, пешин соатларида АҚШнинг бу мамлакатдаги элчихонасининг янги биносини очилишида қатнашганини хабар қилдилар. Тушдан кейин эса, у Президент Алмазбек Атамбаев билан учрашган (расмда)

Керрининг ташрифага оид умумий гаплардан иборат хабарларда диққатга сазовор битта нарса бор. Керри Марказий Осиёнинг сиёсати АҚШ ва Россия ёки АҚШ ва Хитойдан бирига афзаллик беришга асосланиши керак эмас, дебди. Бу шунчаки Керрининг оғзидан чиқиб кетган гапми, ёки ўйлаб айтилган огоҳлантиришми? Огоҳлантиришнинг мазмуни “бизга кўп ишонаверманглар” дейишдир. Ваҳолангки, Қирғизистон афзалликни Россияга бериб бўлганини ҳамма билади.

Хабарларда аниқ айтилмаган бўлса ҳам, у ердаги имо-иоралардан Жон Керри бугуноқ Бишкекдан кетади. Унинг қаерга кетишини Ўзбекистонда тарқатилган хабарлардан тушуниш мумкин.

Бу хабарларга кўра, Жон Керри 1 ноябрда Самарқандга келиб, бу ерда Ислом Карим билан учрашади ҳамда Марказий Осиё давлатлари ва АҚШ ташқи ишлар вазирларининг йиғилишида иштирок этади.

Керри кечасини қаерда ўтказиши номаълум. Бишкекдами ёки Самарқандда? Аслида, бу муҳим ҳам эмас.