28 October 2015
22:32 - Абдураҳим Пўлат Жон Керрига: Ислом дини дунёвийлик принципини қабул қилмагунча, Ислом дунёсида демократия бўлолмайди
АҚШ Давлат Котиби Жон Керрининг шу кунларда Марказий Осиё мамлакатлари бўйлаб саёҳатга чиқиши, жумладан, Ўзбекистонга ҳам бориши муносабати билан “Бирлик” Партияси лидери Абдураҳим Пўлат бугун Жон Керрига мактуб йўллаб, Ислом дини дунёвийлик /секуляризм принципини қабул қилмагунча, Ислом дунёсида демократия ва тўла дин эркинлиги бўлолмаслигини урғулади. Чунки, деди у, Исломнинг Қуръонни хато тафирларига асосланган тушунчаларига кўра, давлатлар исломий бўлиши, улар Халифаликка бирлашиши, ҳамма мусулмончиликни қабул қилиши ва мусулмонлар шариат қонунлари бўйича яшашлари керак. Айнан шуни Толибон, Ўзбекистон Исломий Ҳаракати ва ИШИД каби ташкилотлар истамоқда-ку.

Абдураҳим Пўлат бу ҳақда АҚШ Президенти Барак Обамага шу йилнинг бошларида мактуб йўллагани ва ўша хатнинг нусҳасини илова қилаётгани, бундай тарихда бир марта бўладиган ишларни елкасига олаётган “Бирлик” Партиясига ёрдам бериш Ғарбнинг, жумладан, АҚШнинг вазифаси ҳам эканлигини алоҳида урғулади. У 1992 йили Ўзбекистонга биринчи марта келган АҚШ Давлат Котиби Жеймс Бейкер ўзи билан ҳам учрашганини эслатар экан, бундай учрашувлар анъанага айланиши кераклигини, фақатгина фуқаролар жамияти вакиллари билан эмас, рўйхатдан ўтган ёки ўтмаган бўлишига қарамасдан, демократик партия вакиллари билан учрашиш муҳимлигини таъкидлади ва шу йўналишдаги таклиф ҳамда илтимосларини изҳор этди.