22 October 2015
08:00 - АҚШ Вице-президенти Жо Байден 2016 йилда бўладиган президентлик сайловларида иштирок этмаслигини эълон қилди, демак, Доналд Трамп президент бўладими?
Кеча Оқ Уйнинг Атиргуллар боғида Президент Барак Обама ва ўзининг хотини Жил Байден билан биргаликда Оқ Уйда аккредетация олган журналистлар олдига чиққан Вице-президент Жо Байден 2016 йилда бўладиган президентлик сайловларида иштирок этмаслигини эълон қилди.

2008 йилдаги президент сайловларида президентликка номзод Барак Обама билан биргаликда вице-президентлик учун курашиб, биргаликда ғалаба қозонган Жо Байнер, 2012 сайловларида ҳам Барак Обама билан биргаликда ғалаба қозонган эди. У ўз вазифасини аъло бажарганига шубҳа йўқ, аммо унда ораторлик ва лидерлик санъати йўқлиги ҳам шубҳасиздир. Агарда у 2016 йил президентлик сайловида қатнашиш учун ҳаракат бошласа, ҳаракат бошлаб бўлган Ҳиллари Клинтон билан Демократик Партиянинг номзоди бўлиш учун курашиши ва номзод бўлиши аниқдек кўринаётган Ҳиллари Клинтон билан мусобақалашиб, аслида, республикачиларнинг номзодига ёрдам бериши муқаррар эди.

Демак, энди демократлардан президентликка Ҳиллари Клинтон номзод бўлиши аниқдек кўринмоқда. Аммо, сайловларни ким ютиши ҳали аниқ эмас.

Тўғри, номзодликка номзод бўлган республикачилар ичида «Бирлик» лидери Абдураҳим Пўлат таклиф қилган шок терапияси усулидаги политтехнолигиялар ишлатиши билан танилган Доналд Трамп олдинда кетмоқда, агар айнан у республикачиларнинг президентликка номзоди бўлса, унинг президент ҳам бўлиш шанси жуда каттадир.
« Олдинги хабар Хабарлар рўйхати Кейинги хабар »