Эроннинг ядровий программасининг қурол яратишга қаратилган қисмини тўхтатиш бўйича Эрон ва “олтилик” деб ном олган Франция, Германия, Россия, Буюбритания, Хитой, АҚШ давлатларининг 10 йилдан кўп давом этган музокаралари шу йил 14 июлда шартнома имзолаш билан битган ва ҳамма давлатларниннг тегишли органлари бу шартномани тасдиқлагандан кейин, Эронга қарши киритилган санкициялар, биринчи навбатда, Эрондан нефть ва газ сотиб олиш эмбаргоси бекор қилиниши эълон қилинган эди. Шартнома ҳамма давлатлар тарафидан шу йил ноябрь ойигача тасдиқланиши ҳақида ҳам келишилганди.

Ҳали шартнома имзоланмасидан аввал “Ҳаракат” агентлиги ўз фикрларини қуйидагича билдирган эди: “Бундай шартнома имзоланса ҳам, Эрон ядровий қурол яратиш ишини тўхтатмайди, яширинча давом эттиради, нефть ва газ сотишдан олган пулини ҳам яширинча Россиянинг ёрдами билан уранни бойитиш ва яширинча ядровий қурол яратишга сарфлайди, бу нарса барибир очилади, санкциялар яна киритилади, балки, Эроннинг бу программасига ишлаётган илмий ва саноий марказлари узоқдан отиладиган ракеталар ёрдамида Ғарб томонидан йўқ қилинади.”

Ҳалигача АҚШ ва Эронда шартнома имзолангани йўқ. Аммо, Эрон шартномани амалада бажаришга бошлаганини эълон қилди. Шу сабабли бўлса керак, ЕИга кирувчи мамлакатлар Эронга қарши санкицияларни бекор қилдилар, кеча АҚШ Президенти Барак Обама санкцияларни бекор қилишни бошлаш ҳақида ўз ҳукуматига топшириқ бергани маълум бўлди.

Балки, дейди мухбиримиз, АҚШда ҳокимиятда бўлган демократлар Эрон нефть ва газ сотишдан пуллари эвазига Россия ёрдамида қуролланиб, ИШИДни йўқ қилишига ишонаётгандирлар. Аммо, тушуниш керакки, Эронда ҳукмронлиқ иқлаётган шиа фанатиклар ИШИД устидан ғалаба қозониши билан, ўзлари ИШИДдан баттар ишлар қилишга бошлашади. Ғарб шуни тушунмаётган бўлса, Ғарбнинг ўзини тушуниш қийин бўлиб қолади.