18 October 2015
18:08 - АҚШ Вице-президенти: Экстремизмга қарши курашда диний эркинлик калитдир. “Бирлик” лидери: Дин дунёвий бўлсагина, у экстремизмга қарши калит бўлолади

Associated Press агентлиги АҚШ Вице-президенти Жо Байденнинг Юнон ортодокс черкови таъсис қилган инсон ҳақлари бўйича олий мукофотни Нью-Йоркдаги ибодотханалардан бирида топшириш маросимида айтган гапларини келтирди. Жо Байденга кўра, зўравонликка асосланган экстремизмнинг тарқалишидан жамиятни ҳимоя қиладиган дин эркинлигини ҳимоя қилиш - жамиятнинг маънавий бурчидир.

Маълумки, бугун экстремизм ёки терроризм деганда ислом экстремизми ва терроризми тушунлади. Айнан шу сабабдан, Жо Байден Ал-Қоида ва ИШИД ни тилга олган ҳамда улар ислом динини ёмон отлиқа чиқараётганини гаприан ва диний қадриятлар АҚШда тан олинган инсоний қадриятларга тўла мос эканлигини урғулаган.

Жаноб Байден мутлақо ҳақ, дейди “Бирлик” Партияси лидери Абдураҳим Пўлат. АҚШда диний қадриятлар инсоний қадриятларга мос. Аммо, бу хулоса секуляризм/дунёвийлик принципини қабул қилган динлар учунгина ҳақдир. Ваҳолангки, ислом дини бу принципни қабул қилмаган, Қуръоннинг ҳозир қабул қилинган хато тафсирига кўра, ҳар қандай давлат исломий бўлиши, ҳамма мусулмончиликни қабул қилиши ва шариат қонунлари бўйича яшаши керак.

Ал-Қоида ва ИШИД кабиларнинг мақсади – айнан шу нарсаларни ҳаётга тадбиқ қилишдир. Улар ишлатаётган усуллар ҳам ислом дининг ҳозир қабул қилинган тушунчаларига зид эмас. Шундай экан, айнан Ал-Қоида ва ИШИД тарафдорлари ҳақиқий мусулмон бўлиб чиқадику!?

Бу боши берк кўчадан чиқишнинг ягона йўли - Ислом дини ўз ичида чуқур ислоҳотлар ўтказиб, биринчи навбатда, секуляризм принципини қабул қилишига эришишдир. Бу исломнинг ички иши. Аммо, ҳозир ислом экстремизми ва терроризми бутун дунёга хавф солмоқдами, ислом динидаги ислоҳотлар масаласи билан бутун дунё мамлакатлари қизиқиши ва ҳатто шуғулланиши керак. Дунё мамлакатларининг сал кам ҳаммасида мусулмонларнинг сони сезиларли даражага чиқиб бўлгани сабабли, менинг бу фикрим, таклифим ҳам деса бўлади, ғоят табиийдир, дейди Абдураҳим Пўлат. Ислом дини сеуляризм принципини қабул қилмагунча, дин эркинлиги - аввал ислом экстремизмига, кейин ислом терроризмига йўл очишдир.