17 October 2015
02:10 - Dow Jones юксалишни давом эттирмоқда, “Ҳаракат”га қулоқ солсайди яна ҳам юқорироқда бўларди

Аввалги хабарларимиздан маълумки, АҚШда Марказий Банк ролини ўйнайдиган Федерал Резервнинг қарзга бериладиган пул учун олинадиган фойдани жаҳон иқтисодида барқарорлик борлигига ишонч етарсизлиги учун эҳтиётлик қилиб, оширмай тураётгани сабабли Нью.-Йорк фондлар биржасининг асосий кўрсатгичи бўлган Dow Jones индекси сўнги ойда зиг-загли тушиш кўрсатган эди.

Федерал Резерв эҳтиётлик қилаётганини биринчи бўлиб “Ҳаракат” агентлиги гапирди, кейинчалик буни Федерал Резерв ҳам тан олди. Шундан кейин, Нью-Йорк фондлар биржаси жонланишга, унинг асосий кўрсатгича бўлган Dow Jones индекси юксалишга бошланди.

Кеча, яъни жорийдаги ҳафтаниннг сўнги кунида Нью.-Йорк фондлар биржаси бекилар экан, Dow Jones индекси 17216 га тенг эди. Табиий, бу Dow Jones индекси 2 ойча аввал ўрнатган тарихий рекорддан, яъни 18351 дан пастда. Аммо, аммо тез кунларда Dow Jones ўша рекордга яқинлашишини кутиш керак.

Ҳозир эса, авваллари кўп марта айтилган фикримизни яна бир марта қайтариш фойдали деб ҳисоблаймиз.

АҚШда ишлаётган ўзбеклар ҳам, бошқа мамлакатларда яшаётган ўзбеклар ҳам, фондлар бозорида кетаётган жараёнлар билан қизиқишлари, қўл билан ушлаб бўлмайдиган, кўзга кўринмайдиган Dow Jones каби индекслар билан яшашни ўрганишлари, пулларини фақат банкларда эмас, фондлар бозорининг акцияларида ҳам сақлашни ўрганишлари лозим.

Ўзбекистондаги ота-оналарга ёрдам бериш шарт, аммо у ерга ортиқча пул юбориш ўзбекларнинг душмани бўлган мавжуд режимга хизмат қилиш ва пулни сувга оқизишдир. Ўзбеклар чет элларда ҳам ош ейиш ва Ўзбекистонга пул юборишдан ташқари, ишлаётган мамлакатларида пул йиғиб, кичкина бўлса ҳам ўз бизнесларини очиш устида ўйласалар, фойдали бўлади.

Айнан шундай одамлардан кейинчалик катта бизнесменлар чиқади. Ана ундан кейин Ўзбекистонда ҳам бизнес очишни ўйлаш мумкин. Акс ҳолда, бутун дунёни мардикорлар билан тўлатиб юраверамиз.

Расмда - Нью-Йорк фондлар биржаси ҳам жойлашган машҳур Wall St (Уолл-стрит).