Туркияниннг энг обрўли ва энг катта “Миллиёт” газетаси кимё бўйича бу йилги Нобель мукофоти уч олимга берилганини хабар қилди. Булар – англиялик олим Томас Линдаҳл (Tomas Lindahl), АҚШдаги Ховард Институти ва Дюк университетларининг олими Пауэл Модрич (Paul Modrich) ва АҚШдаги Шимолий Королина Университетининг олими, асли туркиялик Азиз Санжар. Бу олимлар кимё соҳасидаги тадқиқотлари натижаларини саратон касаллигини даволашда ишлатишган.

Азиз Санжар Туркиянинг Ироқ билан чегардош Мардин вилоятида 1946 йили туғилган, шу ерда мактабда, кейин Истанбул Университети Тиббиёт факультетида таълим олгандан кейин АҚШга кетган экан.

Унинг ота-онаси ўқиш ва ёзишни ҳам билишмаган, 8 фарзандлари бор. Азиз уларнинг еттинчиси.

Азиз Санжар илм соҳасида Нобель мукофотини олган биринчи туркиялик олимдир. Бир неча йил аввал Адабиёт соҳасида Нобель мукофотини туркиялик диссидент Ўрхон Памук олган эди, у ҳозир Ғарбда яшайди.

Азиз Санжар “Миллиёт” гвазетасининг мухбирига телефон орқали интервью берииб, бутун турк миллатига савгисини изҳор қилди.