07 October 2015
05:40 - Пентагон Қундуздаги касалхона янглиш бомбаланганини айтмоқда
Пентаган раҳбари, АҚШ Мудофаа вазири Аш Картер шанба куни Қундуз шаҳрида дунёга машҳур “Чегара билмас шифокорлар” ташкилотининг касалхонаси янглиш бомбаланганини кеча, сешанба куни эътироф қилгани Reuters агентлиги тарафидан хабар қилинди.

АҚШ ҳаво кучларининг ўша кунги ҳужуми натижасида 22 киши ҳалок бўлган, ундан ҳам кўп одам ярадор бўлган, “Чегеара билмас шифокорлар” ташкилоти бу ҳужумда АҚШни айблаб, уруш жинояти сифатидаги бу воқеани ўрганиш учун мустақил текшириувлар ўтказишни талаб қилган эди.

Мудофаа вазири Аш Картер ўзи раҳбарлик қилаётган вазирлик шунча одам оламдан ўтгани туфайли чуқур изтиробда эканлигини айтиб, бу хато учун айбни бўйниларига олишаётганини ва бундай воқеaлар қайтарилмаслиги учун керакли ҳамма нарса қилинаётганини урғулаган.

Афғонистондаги халқаро кучларнинг америкалик бош қўмондони Жон Кампбелл ҳам АҚШ Сенатининг Қуролли кучлар комитетидаги душанба куни ўтказилган тингловда шу каби гапларни гапирган.

АҚШ ҳарбийларининг гаплари тўғри эканлигига ҳеч қандай шубҳа йўқ, дейди мухбиримиз. Уруш бўлаётган жойларда бундай исталмаган воқеалар, минг афсуски, бўлиб туради. Қани энди, бўлмаса эди.
« Олдинги хабар Хабарлар рўйхати Кейинги хабар »