02 October 2015
18:55 - Самарқандда бир маркет пенсионерларга бепул нон тарқатаяпти, Ислом Карим бундан хабарсиз
Оsiyo-uz супермаркетининг “Кексаларни эъзозлаш йили” муносабати билан пенсионерларга бепул нон тарқатаётгани ҳақидаги хабар деярли барча ижтимоий тармоқларда чоп қилинди. Супермаркет ходимлари акциянинг жумадан ташқари кунларда соат 17:00га қадар давом этаётганини таъкидлашмоқда. Айтиш керакки, текин нон илинжида айрим вақтларда навбатлар пайдо бўляпти.

Бепул нон олиш учун нафақахўр пенсия дафтарчасини сотувчига кўрсатиши лозим ва бир киши бир кунда биттадан ортиқ нонни текинга ололмайди.

Оsiyo-uz супермаркетининг бу иши олқишга сазовор. Аммо, Ислом Каримнинг бундан хабари борми? Ахир у яқиндагига Ўзбекистонни МДҲ ичидаги энг бахтлилар ўлкаси деб эълон қилмаганмиди? Ёки қарияларга текин нон тарқатиш бахтлилик кўрсатгичимикан?