27 September 2015
07:20 - Петр Порошенко ҳам Нью-Йоркга келди, у Барак Обама ва Владимир Путин билан ҳам учрашади

Кеча маҳаллий вақт билан кечқурун Украина Президенти Петр Порошенко БМТ Бош Ассамблеясининг 70-чи сессиясида қатнашиш учун Нью-Йоркга етиб келгани украиналарнинг УНИАН агантлиги тарафидан хабар қилинди. У Бош Ассамблея сессиясининг 29 сентябрдаги мажлисида нутқ сўзлаши кутилмоқда.

Табиий, “сессия баҳона учрашувлар ғанимат” деганларидек, Петр Порошенко бир қатор мамлакатларнинг раҳбарлари билан ҳам учрашмоқчи. Уларнинг ичида иккитаси диққатга сазовор. Биринчиси, АҚШ Президенти Барак Обама билан, иккинчиси, Россия Президенти Владимир Путин билан учрашувдир.

Петр Порошенко Бош Ассамблея сессияси доирасидаги ҳамма маросим ва учрашувларда Украинани қўллаб-қувватловчи коалицияни мустаҳкамлаш учун ҳаракат қилишини айтмоқда. Табиий, гап Украинани Россияга қарши қўллаб-қувватлаётган коалиция ҳақида кетмоқда.