12 September 2015
05:46 - Калифорния эвтаназия рухсат берилган АҚШдаги олтинчи штат бўлди

Авваламбор эслатиш керакки, эвтаназия даволаб бўлмайдиган касалга дучор бўлиб, чидаб бўлмас оғриқлар остида қолган одамнинг ҳаётини тўхтатишдир.

Калифорния штатининг қонунчилик органи эвтаназияни қонунлаштирди ва шу билан АҚШда эвтаназия қонунлаштирилган штатларнинг сони олтига чиқди. Аввал Монтана, Нью-Мехико, Орегон, Вермонт ва Вашингтон штатлари эвтаназияга рухсат берган экан. Калифорнияда 34 га қарши 43 овоз билан қилинган бу қонун 10 йил ишлайди, кейин қайта кўриб чиқилади.

АҚШ Конституциясига кўра, бу қонун 37 штатда қабул қилинса, автоматик равишда АҚШнинг қонунига айланади.

Эвтаназия бугунгача Бельгия, Люксембург ва Канада давлатларида қонунлаштирилган. Россия, Озорбайжон ва Қозоғистонда эвтаназия расман тақиқланган. Жаҳоннинг жуда кўп мамлакатларида, жумладан, Ўзбекистонда эвтаназия бўйича ҳеч қандай қонун қабул қилинган эмас.