08 September 2015
07:21 - Михаил Саакашвилини Украина Бош вазири этиб тайинлаш талаби билан Украина Президентига ёзилган петиция 25 минг имзо тўплади
Бу мамлакатнинг яқинда қабул қилинган қонунига кўра, бирон талаб билан Президент номига петиция юборилиб, у петиция Президентнинг сайтида камида 25 минг киши тарафидан имзоланса, Президент уни 10 кун ичида кўриб чиқишга мажбур.

Ҳукуматдан мустақиллиги ва демократик мухолифатга яқинлиги билан билинган УНИАН агентлигининг хабарига кўра, собиқ Гуржистон Президенти, ҳозир Одесса губернатори вазифасида ишлаётган Михаил Саакашвилини Украина Бош вазири этиб тайинлаш талаби билан Президент Петр Порошенко номига ёзилган петиция Интернет орқали 25 мингдан кўпроқ киши тарафидан имзоланибди. Табиий, петицияни имзолаганлар Украина фуқароларидир.

Маълумки, Михаил Саакашвили Гуржистон Президенти бўлган йиллари ўз мамлакатида инқилобий ислоҳотлар ўтказди, коррупциянинг оёғига болта урди, милицияни порўхўрликдан қутқарди ва ҳоказолар. Ҳозир эса, Украина айнан шундай ишларга муҳтож. Айнан шу сабабдан, Михаил Саакашвили Украина Президенти бўлиши керак деган украинларнинг сони ортиб бормоқда.

Ҳозир Украина Президенти Петр Порошенко чет эллик сиёсатчи, давлат арбобини Бош вазир этиб тайинлашга журъат этмаса керак. Қолаверса, парламентда ҳам бундай қарор қўллаб-қувватланишини кутиш қийин.

Аммо, 25 минг кишининг шу талабиёқ ҳозирги ҳукуматдагиларни коррупция, порахўрлик ва ўғрилдикдан узоқроқ туришга ундаши, ҳатто мажбур қилиши шубҳасиздир.

Бундай жараёнлар олқишланиши керак. Ўзбеклар ҳм шу каби петициялар тайёрлаш масласига эътибор беришлари лозим.
« Олдинги хабар Хабарлар рўйхати Кейинги хабар »