30 August 2015
10:24 - Биньямин Нетаньяху Эрондан келаётган хавф ИШИДнинг хавфидан жиддийроқдирлигини гапирди. Бу тўғрими?
Исроилнинг Бош вазири Биньямин Нетаньяху Италияга қилаётган ташрифи пайтида шундай дебди: “Эронга қарши киритилган санкциялар бекор қилиниб, инвестицияларга йўл очилгандан кейин, у ўзининг Яқин Шарқ, Шимолий Африка ва бошқа жойлардаги агрессив ва террористик фаолиятига юзлаб миллиард доллар қўшимча пул ажратиш имкониятига эга бўлади.” Исроил Бош вазири ишонадики, Эрондан келаётган хавф ИШИДнинг хавфидан жиддийроқдир. Табиий, у Эроннинг ядровий программаси бўйича имзоланган "Эрон-Олтилик" шартномаси кучга кириб, Эронга қарши киритилган санкциялар бекор қилинишининг натижаларини назарда тутмоқда.

Аслида, дейди мухбиримиз, моҳиятан бу икки хавф Исроил учун бир хилдир. Иккаласининг ҳам мақсади - биринчи имконият пайдо бўлиши билан “янги холокост” уюштириш, Исроилни давлат сифатида йўқ қилиш. Эроннинг бугунги имкониятлари ИШИДга қараганда жуда катта. Шу сабабли, Эроннинг хавфи бугун ИШИДдан жиддийроқ эканлиги ҳақидаги фикр ташқи кўринишидан тўғри.

Аммо, келажак нуқтаи назаридан, “Бирлик” лидери Абдураҳим Пўлат АҚШ Президенти Барак Обамага йўллаган мактубида айтилганидек, ИШИДни ва бутун ислом терроризмини тўхтатишнинг ягона йўли – ислом дини дунёвийлик/секуляризм принципини қабул қилишига эришишдир. Акс ҳолда, Ислом Дунёсини оғир кунлар кутади, Ислом Дунёсининг келажаги бўлмайди. Айни замонда, бошқаларга ҳам тинчлик бўлмайди. Табиий, Исроилга ҳам.
« Олдинги хабар Хабарлар рўйхати Кейинги хабар »