19 August 2015
20:07 - Москвада ўзбек миллионери талончиларнинг қурбони бўлди
Интерфакснинг хабар қилишича, қуролланган талончилар Москванинг жануби-шарқий қисмида атайлаб йўл ҳодисаси уюштириб, Ўзбекистон фуқаросининг машинасидан 5 миллион рублни олиб қочган. “Душанба куни Москва халқа йўлининг 18 километрида ВАЗ-2114 машинасида бўлган номаълум шахслар Hyundai Solaris машинаси билан тўқнашув уюштирган ва шундан сўнг ВАЗдан 3 киши тушиб Hyundaiнинг олд ойнасини уриб синдирган ва салондаги 5 миллион рублни олиб қочган”, дейилади Интерфакс иқтибос келтирган полиция матбуот хизмати хабарида.

Айтилишича, пулини талончиларга бой берган 40 яшар ўзбекистонлик миллионер, табиий рубль миллионери, машина сотиб олиш учун кетаётган экан. Полицияга кўра, пулни олиб қочганларнинг машинасидаги давлат номери Чеченистонга қарашли бўлган, ҳар доимгидек жиноятчиларнинг ўзлари ҳам чеченлар бўлса керак деб тахмин қилинмоқда. Аммо, дейди мухбиримиз, давлат номери ўғирлаган ёки қалбаки бўлиш эҳтимоллиги катта.
« Олдинги хабар Хабарлар рўйхати Кейинги хабар »