Қозоқларнинг расмий Казинформ агентлиги тарқатган хабарда айтилишича, Мактaб ўқувчиларининг информатика бўйича XXVII халқаро Олимпиадаси (IOI-2015) бугун Олмотадаги У.Жолдасбекова номли Талабалар Саройида тантанали маросим билан очилди. Икки кун давомида олимпиада қатнашчилари информатика ва информацион технологияларга оид масаларни ечиш, алгоритмик программалар ёзиш бўйича мусобақаларда қатнашишади, натижалар 1 август куни эълон қилинади.

Қозоғистонданнинг ўзидан 4 киши қатнашаётган Олимпиада қатнашчиларининг умумий сони ва унга қатнашаётган мамлакатларнинг сони айтилмаган. Аммо, ўз мамлакатларининг номи ёзилган транспарантлар атрофида ўтирган қатнашувчиларнинг хабарга илова қилинган кўплаб расмларига қараганда, Олмотага Тожикистон, Қирғизистон ва Туркманистондан тортиб, Туркия, Япония ва Буюкбританиягача, жаҳоннинг сал кам ҳамма давлатлардан ёшлар келган. Аммо, расмларда Ўзбекистон ёшлари ҳам борлиги кўринмайди.