24 July 2015
08:13 - Барак Обама президентлик даврида ҳафсаласини энг кўп пир қилган нарсани айтибди, "Ҳаракат" бунга қисман қўшилмайди

ББС мухбирига интервью берган АҚШ Президенти Барак Обама ўзининг президентлиги даврида ҳафсаласини энг кўп пир қилган нарса қуролга етишиш имкониятларини ўзгартириш бўйича қонунларга ўзгартиришлар киритолмаганини айтибди. Қаранг, дебди у, ўқ отиш билан боғлиқ бўлган зўравонлик қурбонларининг сони ўн мингларни ташкил қилмоқда. 2001йил 11 сентябрь воқеаларидан кейин турли террористик ҳужумларда ҳалок бўлганларнинг сони эса 100 дан ҳам ошмайди.

Табиий, Барак Обама одамларнинг қурол олиш имкониятларини камайтирш ҳақидаги қонунлар ҳақида гапирмоқда, дейди мухбиримиз. Қонунлар чиқарувчи орган Конгресс бўлгани сабабли, АҚШ Президенти айнан конгрессменларга тош отаётгани ҳам ўз-ўзидан маълум. Аммо, тан олиш керакки, Барак Обама ўша қонунларни Конгрессдан ўтказиш учун етралича ҳаракат қилгани йўқ, сўнгги йилларда АҚШда маъсулиятсиз америкаликларнинг турли жойларда қурол ишлатиши туфайли қурбонлар сони кўпайиб бораётгани учун у ўзини оқлашга ҳаракат қилмоқда.

Барак Обама ББС мухбири билан суҳбатда Буюбритания ЕИдан чиқмаслиги кераклиги, Эрон билан унинг ядровий қурол яратиш программаларини тўхтатиш бўйича тузилган шартнома Конгрессда тасдиқланишига ишониши, Сурия учун ИШИДни мағлубиятга учратишининг йўли сиёсий ечимлар топиш эканлигини ҳам гапирибди.

Барак Обаманинг ИШИДга қарши кураш бўйича Сурияга бераётган маслаҳати ҳам танқидга сазовордир. ИШИД каби фанатик террористларни тўхтатиш учун ҳеч қандай сиёсий йўл ёрдам бермайди. Ҳозирги босқичда ИШИДга қарши курашишнинг ягона йўли – қуролдир. Аммо, келажакда кучайиб бориши муқаррар бўлган исломий терроризм тўлқинларни пасайтиришнинг ягона йўли сиёсат эмас, ислом динида “Бирлик” Партияси лидери Адбдураҳим Пўлат айтаётган ислоҳотларни амалга оширишдир.