Тошкент вақти - 
22 July 2015
18:06 -
Туркия ҳам ички уруш арафасида: Курдлар Суручда террорист тарафидан ўлдирилган миллатдошлари учун турклардан қасд олиш ниятидалар
Туркиянинг Сурия билан чегарадош ва аҳолиснинг асосий қисми курдлар бўлган Шонлиурфа вилоятининг Суруч тумани марказида бутун Туркиядан келган бир гуруҳ курд ёшлари Сурияга ИШИДга қарши у ердаги курдлар билан бирга урушиш учун кетиш ниятларини эълон қилаётган мажлисларида портлаш юз бергани, 30 дан ортиқ одам ўлиб, 200 дан ортиқ киши яралангани ҳақида 20 июлда хабар берган эдик.Текширишлар аниқ кўрсатибдики, ўзи билан бомбани портлатган – Шонлиурфанинг ғарбидаги қўшни Адиёмон вилоятида яшайдиган университет талабаси, 20 яшарли Шайҳ Абдураҳмон Олакўз исмли йигит экан. Туркия давлатининг расмий Анадолу Агентлигинининг хабарида 20 ёшли Шайх Абдураҳмон Олакўз исмида “шайх” сўзи ишлатилгани ҳақида тушунтириш берилмаган.
Унинг укаси Юнус Эмре Олакўз ИШИД учун одам ёллаш айби билан қидирувга берилган бўлиб, ярим йилдан бери бу икки ака-укани ҳеч ким кўрмаган, улар ғойиб бўлган экан. Абдураҳмон Олакўз Сургучга кетаётган кўплаб курд ёшларига қўшилиб, ўша ерга боргани ва бомба портлатгани айтилмоқда.
Ҳеч қаерда бу террорист йигитнинг миллати тилга олинмаса ҳам, у турк бўлганга ўхшайди. Бу нарса курдларнининг туркларга қаршилик даражасини кучайтирганини гапириб ўтириш ҳам керак эмас. Курдларнинг сал кам 30 йилдан бери мустақиллик учун террористик уруш олиб бораётган ПКК партиясининг жангарилари бугун кечаси Шонлиурфа вилоятининг Жейланпинар туманида икки турк полициячини уйида ўлдириб кетишди ва буни Сургучда ўлганлар учун қасос деб эълон қилишди.
Юқорида айтганимиздек, сал кам 30 йилдан бери Туркияда ПКК террористлари билан кураш олиб бориларди. Энди очиқдан-очиқ курд-турк уруши бошланиши мумкин. Шундай бўлса, фақат Туркиянинг эмас, балки, бутун Турк Дунёсининг боши дардда бўлади. Турк Дунёси бу воқеаларга бефарқ қолса, Турк Дунёси тушунчасининг ўзи ҳам ўлади. Бефарқ қолмаса, қолмаслиги керак, минтақавий жанжал кенгроқ ҳудуларга ёйилади.
