Тошкент вақти - 
20 July 2015
20:00 -
Вашингтонда Куба эчлихонасининг расман очилиш маросими бўлди, Абдураҳим Пўлат у ерга чақирилмади
54 йиллик танаффусдан кейин ҳозиргина Кубанинг Вашингтондаги элчихонаси расман қайтадан очилди. Бу маросимиа қатнашиш учун АҚШга келган Куба ташқи ишлар вазири Бруно Родригес, табиий, шу ерда эди. Бугун эрталаб Давлат Департаменти биносининг кираверишдаги залида АҚШ билан дипломатик алоқаси бор давлатларнинг байроқлари қаторига Кубанинг ҳам байроғи осилди.Эслатиб ўтиш керакки, 1959 йили Фидель Кастро раҳбарлигидаги коммунистлар давлат тўнтариши йўли билан ҳокимиятга келгач, АҚШ 1961 йили Куба билан дипломатик алоқаларни узганди. Ўшандан бери АҚШ Кубани дунёдан изоляция қилиш ва экономик санкциялар билан Кастро ҳукуматини йиқитишга ҳаркат қиларди, аммо ҳеч нарса қилолмади. 1959 йилдан бери Кубада диктаторлик қилган Фидель Кастро (расмий мақоми - Бош вазир ва айни замонда, президент деса ҳам бўладиган Давлат Кенгашининг раиси) 2006 йили қариб қоганлиги сабабли ҳамма ваколатларини ўз укаси Раул Кастрога топшириб кетди.
АҚШ Фидель Кастро режимидан қочган сиёсий эмигрантларни тўла қувватлаб, Кастро режимини қулатишга ҳаракат қилди, аммо қилолмади. Кубани изоляция қилиш, эмарго ва санкциялар киритиш сиёсати ҳам фойда бермади.
2005 йилда Андижонда юз берган қонли воқеалардан кейин, Европа Иттифоқи расмийлари Ўзбекистонни изоляция қилиш ва унга қарши санкциялар киритиш ҳақида очиқча гапираётган пайтда “Бирлик” Партияси Куба ва Шимолий Корея давлатларини ҳам мисол қилиб кўсатиб, Ўзбекистон каби дикторликларни дунёдан изоляция қилиш ва санкциялар киритиш ўрнига, уларни демократик дунёга интеграция қилиш самаралироқ эканлиги ҳақида мурожаатнома эълон қилди. Бу мурожотнома ЕИ расмийлариа етказилди, ЕИ “Бирлик”нинг таклифларини қабул қилди.
2012 йил 2 февралькуни “Бирлик” лидери Абдураҳим Пўлат бутунлай бошқа бир мавзу бўйича ўша пайтдаги АҚШ Давлат Котиби Ҳиллари Клинтонга хат йўллаб, Куба каби диктаторликларни изоляция қилиш сиёсати хато бўлганини ҳам эслатиб ўтди ва ўз хатига “Бирлик”нинг юқорида тилга олинган баёноти нусҳасини илова қилди (Абдураҳим Пўлатнинг хати “Ҳаракат” сайтининг инглизча саҳифасига қўйилган). Айнан шундан кейин АҚШ Куба билан алоқаларни тиклаш учун Ватикан воситачилигида музокаралар бошлади ва 2014 йил декабрь ойида АҚШ Президенти Барак Обама Куба билан дипломатик алоқалар тикланганини эълон қилди.
Мана, ниҳоят Кубанинг АҚШдаги элчихонаси ҳам очилди. АҚШ расмийлари тарқатаётган хабарларга кўра, шу йил 14 августда Гаванада АҚШнинг элчихонаси ҳам иш бошлайди. Очилиш маросимда АҚШ Давлат Котиби Жон Керри иштирок этади.
Менинг Ҳиллари Клинтонга ёзган хатимдан кейин Куба билан алоқаларни тиклаш жараёни бошлангани тасодифий ҳол эканлигига мени ҳеч ким ишонтиролмайди, дейди “Бирлик” Партияси лидери Абдураҳим Пўлат. АҚШ расмийлари бу қимматбаҳо маслаҳатим учун менга миннатдорчилик билдиришларини ёки кубаликлар мени бугунги маросимга чақиришларини ҳам кутган эмасман. Қолавеса, кубаликлар менинг хатим ҳақида хабарлари ҳам бўлмаганига аминман. Аммо, дунё жамотчилиги, ва албатта биринчи навбатда, ўзбек халқига буларни билдириш керак. Ўзбек халқини ўз тақдирини ўйлаш даражасига чиқариш учун қилинаётган ҳаракатларимиз доирасида “Бирлик” Партияси ва унинг лидери сифатида мен қилаётган ишлар билан халқни таништириш муҳимдир.
