Бугун Олий Рада маркахий ҳокимиятнинг бир қатор функциялари маҳаллий ҳокимиятларга бериш ёки бу функицияларни бажаришда маҳаллий ҳокимиятларнинг ролини оширишга қаратилган қонун қабул қилди. Унинг асосида Конституцион Суд Конституцияга ўзгартиришлар киритиши керак.

Олий Раданинг мажлисида қатнашган Президент Петр Порошенко ва Бош вазир Арсений Яценюк ҳамма бу қонун лойиҳаи учун овоз беришга чақирдилар. Шундай бўлса ҳам, 450 кишилик Олий Радада децентрализация қонуни учун бор-йўғи 288 овоз берилибди.

Бу ерда нутқ сўзлаган Петр Порошенко (расмда) вилоят ва туманларда оператив бошқарув вилоят ва туман ижроия комитетларига ўтишини, бу комитетлар халқ тарафидан сайланадиган вилоят ва туман кенгашларига ўтишини урғулар айтар экан, мудофаа, ташқи сиёсат, миллий хавфсизлик, фуқаровий ҳуқуқ ва эркинликлар масалалари бундан хориж эканлигини урғулади.

Эслатиб ўтиш керакки, децентрализаия мавзуси Луганск ва Донецкдаги руспараст-сепаратистларнинг ўзлариига федерал ваколатлар бериш талабларига альтернатива сифатида ўртага чиққан эди. Аслида, федерализация Россиянинг истаги бўлиб, мақсад Украинани федерал давлатга айлантириш ва келажакда доимий парчаланиш хавфи остида яшайдиган қилиб қўйиш эди. Масалан, Украина Европа Иттифоқига, келажакада ҳатто НАТОга кириш ҳаракатини бошласа, Украина ичидаги федерал бўлимлар мустақиллик эълон қиладилар..

Россиянинг ўзи федерал давлат, аммо у ерда Путиннинг диктатураси давом этар экан, федералликнинг асорати ҳам йўқ ва бўлмайди, Россия амалда унитар давлатдек яшамоқд ва яшайди. Аммо, у ерга демократия келса, Россия Федерацияси ичидаги республикалар феълан мустақил давлатларга айланадилар, ҳеч шубҳасиз, уларнинг баъзилари бутунлай мустақил бўлиш йўлида ҳаракат бошлайдилар.