09 July 2015
01:13 - Путинга яна бир шапалоқ: ЕХҲТнинг Парламентар Ассамблеяси Россияни қораловчи баёнот қабул қилди

Хельсинкида йиғилиш ўтказаётган Европада Хавфсизлик ва Ҳамкорлик Ташкилотининг Парламентар Ассамблеяси Рооссиянинг Украинадаги ҳаракатларини қораловчи яна бир қарор қабул қилди. 96 кишига қарши 7 тагина овоз берилибди, 32 киши бетараф бўлиб қолибди. Қарор Россияни Донбассдаги ҳаракатларини қоралаб, сепаратистларга қурол-яроғ бермасликка, у ерга ўз ҳарбийларини юбормасликка ва норасмий қуролли гуруҳларга ҳеч қандай ёрдам бермасликка чақиради.

Табиий, ҳозир Путин ҳеч кимнинг гапига қулоқ солмайди, аммо турли санкциялар остида Россия чўкишга маҳкум. Чунки, 21 асрда одамзод Россиясиз яшаши мумкин, аммо Ғарбсиз яшай олмайди.

Ўзбекларни қизиқтириши керак бўлган биттагина савол бор: Парламентар Ассамблеянинг ўзбекистонлик аъзолари қандай овоз бердилар? Жавоб ҳам маълум – улар бу қарорга қарши овоз берганлар ёки бетараф қилганлар, улар Ғарбнининг тарафида бўлишлари мумкин эмас. Путиннинг малайи Ислом Каримнинг одамларидан бошқача нарса кутиш ҳам мумкин эмас.

Ҳа, эслатиб ўтиш керакки, Россиянинг Парламентар Ассамблеядаги гуруҳи раҳбари, Россия Давлат Думаси спикери Сергей Наришкинга Ғарбнинг санкциялари доирасида Финландияга кириш тақиқлангани сабабли, Россия делегацияси Хельсинкидаги йиғилишда қатнашишдан воз кечган.