Маҳаллий матбуот хабарига кўра, Ўзбекистон миллий университети доценти Турғунали Ахмаджонов билан физика факультети магистранти Орифжон Фахридинов ҳамкорликда елканли шамол двигателини яратишди. Telegraf.uz сайтига кўра, янги шамол двигатели шаҳардан ташқаридаги уйлар, фермер хўжаликларини муқобил электр энергияси билан таъминлашга мўлжалланган. Унинг ёрдамида ер ости сувларини ер сиртига тўғридан-тўғри насослар ёрдамида чиқариш ҳамда уяли алоқа станциялари ва антенналарни электр қуввати билан таминлаш мумкин экан.

Мутахасислар янги ихтиро кичик шамол тезлигида ишлаши, қурилманинг ишлаб чиқариш таннархининг арзонлиги, ўрнатиш ёки демонтаж қилишнинг осонлиги билан оддий шамол двигателидан афзал эканини таъкидлашмоқда. Айниқса бу мослама энергетик инқироздаги Ўзбекистонда жуда асқотади.

Расм ҳам ўша Telegraf.uz сайтидан олинган.